ئادەتتە، ھامىلدارلىق دەسلەپكى ئۈچ ئېيى ئىنتايىن مۇھىم بولۇپ، دوختۇرلارمۇ ئادەتتە ھامىلدار ئايالنىڭ بۇ ئۈچ ئايدا ياخشىراق كۈتۈنۈپ قالايمىقان ھەرىكەت قىلماسلىقىنى تەۋسىيە قىلىدۇ. بىراق، ھامىلدار شۇنى چۈشىنىپ يىتىشى كىرەككى، بۇ ئۈچ ئاي ئۆتۈپ كەتكەندىن كىيىن، ھامىلدار ئاياللار مۇتلەق بىخەتەر بولىدۇ دىگەنلىك ئەمەس؛ ئەمىلىيەتتە، ھامىلدارلىق ئوتتۇرا مەزگىلىمۇ بىرقەدەر خەتەرلىك بولۇپ، ئازراقلا دىققەت قىلمىغاندا، بالىنىڭ چۈشۈپ كىتىش خەۋىپى تۇغۇلىدۇ. بەزى ھامىلدار ئاياللار بۇ نوقتىدىن ئەجەبلىنىپ كىتىدۇ؛ ئۇلارنىڭ قارىشىچە، ھامىلدارلىق مەزگىلى تۆتىنچى ئېيىغا قەدەم قويغاندىن كىيىن، ھامىيلە بالىياتقۇ ئىچىدە ئاساسى جەھەتتىن مۇقىملىشىپ بولىدۇ، نىمە ئۈچۈن يەنە خەتەر ئامىلى مەۋجۇت بولىدۇ؟ بۇنداق بولۇشى، ئاساسلىقى تۆۋەندىكى خەتەر ئامىللىرى سەۋەبىدىن بولىدۇ.

    بىرىنچى خىل خەتەر ئامىلى بولسا ھامىلدار ئايالنىڭ ئكزىدىكى كىسەللىكلەر. ھازىر ئاياللارنىڭ توي قىلىدىغان ياش مەزگىلى بارغانسىرى كەينىگە سۈرۈلۈپ كىتىۋاتماقتا، شۇڭا ئۇلار ھامىلدار بولغان ۋاقىتتا، كۆپىنچىسىنىڭ يېشى بىرقەدەر چوڭۇپ قالغان بولىدۇ؛ بۇنداق ئەھۋال ئاستىدا، ئۇلارنىڭ سالامەتلىكىدە ئەسلىدىنلا بەزىبىر مەسىلىلەر ساقلانغان بولۇشى مۇمكىن. مەسىلەن ھامىلدارلىق مەزگىلىدىكى يۇقىرى  قان بېسىم كىسىلى، بۇندىن باشقا يۈرەك جەھەتتىكى مەسىلىلەر قاتارلىقلار. بۇلاردىن باشقا، يەنە بەزى ئاياللار، ئەسلىدىنلا ھامىلدار بولۇشقا ماس كەلمەيدۇ؛ مەسىلەن، جىگەر ۋە بۆرەك كىسەللىكى، يۈرەك كىسەللىكى قاتارلىق ئەھۋاللار. بۇنداق ئاياللار ھامىلدار بولغاندا، تاساددىبىيلىق كۆرۈلۈش نىسبىتى يەنىلا بىرقەدەر يۇقىرى بولىدۇ.

    ئىككىنچى خىل ئامىل بولسا، كۆپىيىش ئەزالىرىدا بىنورماللىق بار بولۇش. بەزى ئاياللار تۇغۇلما بالىياتقۇسى تۇلۇق يىتىلمىگەن كىلىدۇ، بۇندىن باشقا ھەم كۆپىيىش يولىدا ياللۇغ بار بولىدۇ. بۇ ئەھۋاللار ھامىلدارلىقنىڭ دەسلەپكى ئۈچىنچى ئېيىدا بەك كۈرۈنەرلىك ئىپادىلىنىپ چىقماسلىقى مۇمكىن، ئەمما ھامىيلىنىڭ بارغانسىرى يوغىناپ بېرىشىغا ئەگىشىپ، بۇ خىل ئەھۋال بارغانسىرى ئېغىرلاپ ماڭىدۇ.

    ئۈچىنچى خىل ئامىل بولسا ئىچكى ئاجرالمىدا بىنورماللىق كۆرۈلۈش. بەزى ھامىلدار ئاياللار ھامىلدارلىقنىڭ دەسلەپكى ئۈچ ئېيىدا ئىنتايىن ساغلام كىلىشى مۇمكىن؛ بىراق قوساقتىكى ھامىيلىنىڭ بارغانسىرى چوڭىيىشىغا ئەگىشىپ، خورايدىغان ئۇزۇقلۇقمۇ تەدرىجى كۆپىيىپ ماڭىدىغان بولغاچقا، ھامىلدار ئايالنىڭ ئىچكى ئاجرالما سېستىمىسا بىنورماللىق كۆرۈلۈشى مۇمكىن؛ بۇ ۋاقىتتا بۇنىڭغا ھامىلدار ئايالنىڭ جىددىلىشىشى قوشۇلۇپ، ئاسانلا ئىچكى ئاجرالما قالايمىقانلىشىشنى كەلتۈرۈپ چىقىرپ، بەزىبىر ئىچكى ئاجرالما كىسەللىكلىرىنى پەيدا قىلىدۇ.