پۈتكۈل ھامىلدارلىق مەزگىلىدە، ھامىلدار ئايالنىڭ ئەڭ كۆڭۈل بۆلىدىغىنى بولسا، ھامىيلىنىڭ ساغلام يىتىلىشى بولۇپ، پەقەت ھامىيلە ساغلام يىتىلىدىغان ئىش بولسىلا، ئۆزى قانچىلىغان جاپالارنى تارتىشقىمۇ رازى بولىدۇ. ھامىلدار ئاياللارنىڭ ھەممىسى ھامىيلىگە ئوكسىگىن يىتىشمەي قالغان خەۋەرنى ئاڭلاشتىن ئەنسىرەيدۇ؛ چۈنكى، ئەگەر ھامىيلىگە ئوكسىگىن يىتىشمەي قالسا، ۋاقتىدا بايقىيالىساققۇ ياخشى، بىراق ۋاقتىدا بايقىيالماي قالساق، ھامىيلىنىڭ ھاياتىغا خەۋپ يىتىدۇ.

ھامىيلىنىڭ مىدىرلىشى بىنورماللىشىدۇ
    ھامىلدارلىق بەشىنچى ئېيى ئەتراپىدا ھامىيلىدە مىدىرلاش باشلانغاندىن كىيىن، ھامىلدار ئاياللار ھامىيلىنىڭ مىدىرلاش ئەھۋالىغا كۆپرەك كۆڭۈل بۆلىشى كىرەك بولۇپ، ھامىلدارلىق يەتتىنچى ئېيىدىن باشلاپ، ھامىيلىنىڭ مىدىرلاش قېتىم سانىنى سانايدىغان ئادەتنى يىتىلدۈرۈشى لازىم. نورمال ئەھۋال ئاستىدا، ھامىيلىنىڭ ھەر 12سائەت ئىچىدىكى مىدىرلاش قېتىم سانى 100-30 قېتىم ئارىلىقىدا بولۇپ، ئەگەر مىدىرلاش قېتىم سانى تۇيۇقسىزلا كۆپىيىپ ياكى ئازىيىپ كەتسە، بۇنىڭ ھەممىسى ھامىيلىنىڭ مىدىرلىشىنىڭ بىنورماللاشقانلىقى بولۇپ، ھامىلدار ئايال ئالاھىدە دىققەت قىلىش كىرەك. چۈنكى بۇ ئەھۋالنىڭ، ھامىيلىگە ئوكسىگىن يىتىشمەي قالغانلىقىنىڭ ئالامىتى بولۇش ئىھتىمالغا ئىنتايىن يېقىن؛ بۇ ۋاقىتتا، ھامىلدار ئايال دەرھال دوختۇرخانىغا بېرىپ تەكشۈرتىشى كىرەك.

ھامىيلىنىڭ يۈرەك سوقۇشى بىنورماللىشىش
   ھامىيلىنىڭ يۈرەك سوقۇشىمۇ، ھامىيلىنىڭ يىتىلىش ئەھۋالىنى ئەكىس ئەتتۈرۈپ بىرىدىغان مۇھىم بىر ئۆلچەم بولۇپ، ھامىيلىنىڭ نورمال يۈرەك سوقۇش قېتىم سانى، ھەر مىنۇتتا 160-120قېتىم بولىدۇ. ئەگەر ھامىيلىنىڭ يۈرەك سوقۇشى بۇ ئۆلچەمدىن تۆۋەن ياكى يۇقىرى بولسا، ئۇنداقتا بۇ ھامىيلىنىڭ ئوكسىگىن يىتىشمەسلىك ھالىتىدە تۇرۋاتقانلىقىنى بىلدۈرىدۇ، بۇ ئەھۋالدا دەرھال دوختۇرخانىغا بېرىش كىرەك.
ھامىيلىنىڭ يىتىلىشى ئاستىلاپ كىتىش
   ھامىيلىنىڭ مىدىرلىشىنى ساناش، يۈرەك سوقۇشىنى ئۆلچەش قاتارلىقلاردىن باشقا، ھامىلدار ئايال يەنە بالىياتقۇ ئىگىزلىك ئورنىغا قاراپ ھامىيلىنىڭ يىتىلىش ئەھۋالىغا ھۆكۈم قىلالايدۇ. ئادەتتە، ھامىلدارلىق 28-ھەپتىسىدىن كىيىن، بالىياتقۇ ئىگىزلىك قىممىتى، ھەر ھەپتىسى بىر سانتىمىتىر ئەتراپىدا ئېشىپ بارىدۇ. ئەگەر ھامىلدار ئايالدا ئارقىمۇ-ئارقا ئىككى ھەپتە بالىياتقۇ ئىگىزلىك قىممىتى ئاشماسلىق ياكى ئېشىش نىسبىتى تۆۋەن بولۇش ئەھۋالى كۆرۈلسە، ئۇنداقتا دوختۇرخانىغا بېرىپ، يەنە بىر قەدەم ئىلگىرلىگەن ھالدا تەكشۈرۈپ بېقىش لازىم بولىدۇ؛ چۈنكى، ھامىيلىنىڭ يىتىلىشىنىڭ ئاستىلاپ كىتىشىنى، بەلكىم ھامىيلىگە ئوكىسگىن يىتىشمەسلىك كەلتۈرۈپ چىقارغان بولۇشى مۇمكىن.