ئاساسلىق كېرەكلىك ماتىرياللار : ئاق تۇرۇپ 1 كىلو ، تۇز 50 گىرام ، سامساق 5 تال ، ئاق ئاچچىقسۇ 500 مىللىلىتىر ، لىمون شىرنىسى مۇۋاپىق مىقداردا ، سەۋزە 500 گىرام ، جاڭپىزا 2 پارچە ، ئاق شېكەر 300 گىرام ، ئىلمان سۇ 350 گىرام . 

تەييارلاش قەدەم باسقۇچى : 1 . ئاق تۇرۇپ بىلەن سەۋزىنىڭ پوستىنى پاكىزە ئېلىۋېتىمىز . 

2 . پوستى ئېلىۋېتىلگەن ئاق تۇرۇپ بىلەن سەۋزىنى پاكىز يۇيىمىز . 

3 . ئاق تۇرۇپ بىلەن سەۋزىنى مۇۋاپىق چوڭلۇقتا ، قەلەمچە قىلىپ توغراپ تەييارلىۋالىمىز . 

4 . توغراپ تەييارلىۋالغان ئاق تۇرۇپ بىلەن سەۋزىنىڭ ئۈستىگە 50 گىرام تۇزنى سالىمىز . 

5 . پاكىز قولىمىز بىلەن ئارلاشتۇرىمىز . 

6 . ئارلاشتۇرۇپ بولغان ئاق تۇرۇپ بىلەن سەۋزىنى 1 – 2 سائەت تۇرغۇزىمىز ، چۈنكى تەركىبىدىكى ئارتۇقچە سۇلار چىقىپ كىتىدۇ . 

7 . ئاق تۇرۇپ بىلەن سەۋزىنى 1-2 سائەت تۇرغۇزۇپ بولغاندىن كىيىن ، باشقا بىر قاچىغا سۈزۈپ ئالىمىز . ( يىغىلغان سۇنى تۆكىۋەتمەيمىز ) . 

8 . سامساق بىلەن جاڭپىزىنىڭ پوستىنى پاكىز ئېلىۋېتىپ ، توغراپ تەييار قىلىۋالىمىز .

9 . تەييارلىۋالغان شېكەرنىڭ ئۈستىگە ، بىز تەييارلىۋالغان 500 مىللىلىتىر ئاق ئاچچىقسۇنى قۇيىمىز . 

10 . تەييار بولغان سۇغا بىز تەييارلىۋالغان ئىلمان سۇنى قۇيىمىز . 

11 . توغراپ تەييارلىۋالغان سامساق بىلەن جاڭپىزىنى سۇغا سالىمىز . 

12 . ئاق تۇرۇپ بىلەن سەۋزىنىڭ چىققان سۈيىنى تەييار بولغان سۇغا تۆكىمىز . 

13 . تەييار بولغان سۇغا لىمون سىرنىسىنى مۇۋاپىق مىقداردا تۆكىمىز . 

14 . تەييار بولغان سۇلارنى ، بىز ئەڭ باشتا توغراپ تەييارلىۋالغان ئاق تۇرۇپ بىلەن سەۋزىنىڭ ئۈستىگە تۆكىمىز . 

15 . ئاق تۇرۇپ بىلەن سەۋزە نورمال چىلاشقىدەك بولسا بولدى . 

16 . تەييار بولغان ئاق تۇرۇپ بىلەن سەۋزىنى ئاغزى ھىم ئىتىلىدىغان چوڭ ئەينەك قاچىغا سۈزۈپ ئېلىپ سالىمىز . 

17 . ئەينەك قاچىنىڭ ئاغزىنى مەھكەم ئىتىپ ، سالقىن جايدا 5 كۈندىن -7 كۈنگىچە قۇيىمىز . ئارلىقتىكى كۈنلەردە 2 قېتىم قۇتىنىڭ ئاغزىنى ئېچىپ ، سەيلەرنى ئېلەشتۈرۈپ تۇرىمىز . 

18 .  مانا بىزنىڭ شېكەر سۈيىگە چىلانغان چۈرۈك سەۋزە تۇرۇپ چىلانمىمىز تەييار بولدى .

ئەسكەرتىش : ئەگەر ئاچچىقراق تەمدىكىسىنى ياخشى كۆرسىڭىز ، لازا بىلەن ئارلاشتۇرۇپ تەييارلىسىڭىزمۇ ناھايىتى يىيىشلىك بولىدۇ .