كىشىلەرنىڭ ساغلاملىق كۈتۈنۈش ئېڭىنىڭ يۇقىرى كۆتۈرۈلىشىگە ئەگىشىپ، نۇرغۇن كىشىلەر كۈندىلىك تۇرمۇشىدا كۆكتاتنى ئاساس قىلىپ ئۇزۇقلىنىدىغان بولدى؛ بۇ سەۋەپلىك، چىلىغان كۆكتاتلارمۇ نۇرغۇن كىشىلەرنىڭ ياقتۇرۇپ يەيدىغان يىمەكلىكىگە ئايلاندى. بۈگۈن كۆپچىلىكنىڭ دىققىتىگە، ئىشتىھانى ئېچىپ، ھەزىم قىلىشنى ئىلگىرى سۈرىدىغان، كۈز كۈنلىرىدە يىيىشكە ئەڭ ماس كىلىدىغان—ئاچچىق-چۈچۈك چىلانغان تۇرۇپ تەييارلاش ئۇسۇلىنى تۇنۇشتۇرۇپ ئۆتىمىز.

كىتەرلىك ماتىريال
   تۇرۇپ
خۇرۇچ ماتىريالى
   كىچىك ئۇچلۇق قىزىلمۇچ، ئۇچلۇق كۆكمۇچ، چىلانغان كۆكمۇچ، ئاق ئاچچىقسۇ، ئاق شىكەر، تۇز، زەنجىۋىل، سامساق
 

 

   تۇرۇپنىڭ پوستىنى ئاقلىۋىتىپ يۇيۇپ پاكىزلىغاندىن كىيىن، ئۇزۇنراق قەلەمچە ھالىتىدە توغرىۋالىمىز.
 

   توغرالغان تۇرۇپنى قاچىغا سېلىپ، ئىككى قوشۇق تۇز قۇيۇپ تەكشى ئارىلاشتۇرغاندىن كىيىن، 30مىنۇت قويۇپ تۇزلايمىز؛ تۇزلاپ سۈيى چىققاندىن كىيىن، سۈيىنى ساقىتىۋىتىپ، سۇغۇق قايناقسۇدا تۇرۇپنى پاكىزە چايقىۋىتىمىز.

   ئۈستىگە توغرالغان سامساق ۋە زەنجىۋىل، ئۇششاق توغرالغان ئۇچلۇق قىزىلمۇچ ۋە ئۇچلۇق كۆكمۇچ، 20تال چىلانغان كۆكمۇچ، 100مىللىلىتىر سۇغۇق قايناقسۇ، ئىككى قوشۇق ئاق شىكەر، بىر قوشۇق تۇز، 50گىرام ئاچچىقسۇ قوشقاندىن كىيىن، 3-2سائەت چىلاپ قويۇپ قويساقلا ئىستىمال قىلىشقا بولىدۇ.