مىۋە-چىۋە ياخشى نەرسە، لېكىن قىش كۈنلىرىگە كەلگەندە، ئاتا-ئانىلار مىۋىنىڭ بەك سوغۇق بولۇپ كېتىشىدىن ئەنسىرەپ، بالىغا مىۋىنى قىزىتىپ ئاندىن يىگۈزىدۇ. بىراق نەتىجىدە، مايمۇن شاپتۇلىنى قىزىتسا بەك چۈچۈمەل بولۇپ قالىدىغانلىقىنى، بۆلجۈرگەننى قىزىتىسىمۇ يەنىلا چۈچۈمەل بولۇپ قالىدىغانلىقىنى بايقايدۇ....

   ئەمەلىيەتتە، بۇ سىزنىڭ مىۋىنى خاتا تاللىۋالغانلىقىڭىزدىن بولۇپ، بەزىبىر مىۋىلەرنى قىزىتقاندىن كېيىن، تېخىمۇ تەملىك بولۇپ كېتىدۇ. تۆۋەندە، بالىغا مىۋىنى قىزىتىپ يىگۈزۈش ئۇسۇلىنى تونۇشتۇرۇپ ئۆتىمىز.

   ھەر خىل مىۋىلەر بىلەن كالا سۈتى قوشۇلۇپ، تەملىك ھەم كالتسىي تولۇقلايدىغان تائام بولىدۇ.
كىتەرلىك ماتېرىيال: ماڭگو، شىياڭجاۋ، خولۇڭگو، كۇلى بىھىسى، رىتسىپلىق سۈت پاراشوكى 150مىللىلىتىر، تۆت دانە تۇخۇم، 40گىرام ئۇن، 5گىرام سېرىق ماي

ماس كېلىدىغان بالىلار: 9ئايلىقتىن يۇقىرى
تەييارلاش ئۇسۇلى
   تۇخۇمنىڭ ئېقىنى ئايرىپ ئالىمىز؛ سېرىق ماينى قىزىق سۇغا سېلىپ ياكى دۈملەش قازىنىدا قىزىتىپ ئىرىتىمىز.

   تۇخۇمنىڭ ئېقىغا كالا سۈتى، سېرىق ماي ۋە ئۇن قوشۇپ تەكشى ئارىلاشتۇرىمىز ھەمدە سۈزگۈچتىن ئۆتكۈزۈپ سۈزىمىز.

   بارلىق مىۋىلەرنى ئۇششاق توغرايمىز.

   تەخسىدىن بىرنى تەييارلاپ، كالا سۈتى تۇخۇم سۇيۇقلۇقىنى قۇيۇپ، ئۈستىگە مىۋىلەرنى سالىمىز.

   دوخوپكىغا سېلىپ، 120گىرادوسلۇق قىزىقلىقتا 30مىنۇت قاقلايمىز ياكى دۈملەش قازىنىدا 20مىنۇت دۈملەيمىز.