بۈگۈن كۆپچىلىككە تۇنۇشتۇرماقچى بولغىنىمىز، تۇخۇم بىلەن سۈت پاراشوكىدىن تەييارلانغان ئۇششقا يىمەكلىك بولۇپ، بۇ يىمەكلىكنىڭ چوڭ كىچىكلىكى ۋە شەكلى، يېشى كىچىكرەك بوۋاقلارنىڭ يىيىشىگە ماس كىلىدۇ؛ ئېغىزغا كىرىپ بولغۇچە ئىرىپ كىتىدىغان بولۇپ، بوۋاققا قويۇپ بەرسىڭىز، ئۆزىمۇ يەپ كىتەلەيدۇ.

   كىتەرلىك ماتىريال: ئۈچ تال تۇخۇم، رىتسىپلىق سۈت پاراشوكى 30گىرام، ئاق شىكەر 5گىرام، لىمون بىر پارچە
   ماس كىلىدىغان دائىرە: سەككىز ئايلىقتىن يۇقىرى بوۋاقلارغا ماس كىلىدۇ

 

   1. ئالدى بىلەن تۇخۇمنى چېقىپ ئېقى بىلەن سېرىقىنى ئايرىيمىز؛ ئەگەر ئۆيدە ئايرىيدىغان مەخسۇس قورال(تۆۋەندىكى رەسىمدىكىگە ئوخشاش) بولسا تېخى ياخشى، ئەگەر مەخسۇس قورال بولمىسا، ئۇنداقتا تۇخۇمنى بىراقلا چېقىۋەتمەي، ئېقىنى ئازراقتىن ئېقىتىپ، تۇخۇم سېرىقىنى ئايرىۋالسىڭىز بولىدۇ. سېرىقىنى ئايرىپ بولغاندىن كىيىن ئايرىم بىر قاچىغا سېلىپ تەييارلاپ قويىمىز؛

   2. تۇخۇم سېرىقى ئۈستىگە نەچچە تامچە لىمون سۈيى تېمىتىپ، شىكەرنى قوشىمىز ھەمدە تۇخۇمنى رەڭگى ئۆزگەرگۈچە قاتتىق قوچۇيمىز؛

   3. قوچۇپ تەييارلىغان تۇخۇم ئۈستىگە رىتسىپلىق سۈت پاراشوكى قوشۇپ، قۇشۇق بىلەن تەكشى ئارىلاشتۇرىمىز؛ (بۇيەردە ئېيتىلغان قوچۇش، قۇشۇقتا چەمبەر سىزىپ قوچۇش ئەمەس، بەلكى تىز سۈرئەتتە ئاستىدىن ئۈستىگە ئۆرۈپ قوچۇشنى كۆرسىتىدۇ)

   4. پاكىزە قەغەزدىن يۇمىلاق كۇنۇس شەكىللىك ۋارونكا ياساپ، ئۇچلۇق ئۇچىنى قايچىدا ئازراق كىسىۋىتىمىز ھەمدە قوچۇپ تەييارلىغان تۇخۇم ئۇمىچىنى قەغەز ۋارونكىغا قۇيۇپ، تىگىگە سىلتسىيلىق قەغەز سېلىپ تەييارلىغان دوخوپكا تەخسىسىگە ئاز-ئازدىن سىقىپ تېمىتىمىز(تۆۋەندىكى رەسىمدە كۆرسىتىلگەنگە ئوخشاش)؛

   5. دوخوپكا تەخسىسىنى توشقۇزغاندىن كىيىن، تەخسىنى دوخوپكىغا سېلىپ، ئاستى ئۈستى ئوت 100گىرادوسلۇق تىمپىراتۇرىدا 30مىنۇت ئەتراپىدا قاقلاپ پىشۇرىمىز؛