بۈگۈن كۆپچىلىككە ئېلىپ كەلگىنىمىز، ئاساسى تاماق بىلەن مىۋىنىڭ مۇكەممەل ماسلىشىشى—بانان پىشلاق تېرىق(小米) قاتلىمىسى. بانان، كىچىك دوستلارنىڭ ناھايىتى بەك ئالقىشىغا ئىرىشكەن مىۋە، ئادەتتە ئۇنى بىۋاستە ئىستىمال قىلغاندا، تەمى ناھايىتى بەك يەككە بولۇپ قالىدۇ. ئەگەر ئۇنى پىشلاق بىلەن بىرلەشتۈرۈپ كىچىك قاتلىما توقاچ تەييارلاپ بالىڭىزغا يىگۈزسىڭىز، خوشنىلىرىڭىزنىڭ بالىسىمۇ بۇنىڭدىن يىگۈسى كىلىپ يىغلىشىپ كىتىدۇ.

   بىلىشىڭىز كىرەككى، باناننىڭ تەركىبىدە ھەرخىل ۋىيتامىن ۋە مىنرالنى ماددىلار كۆپ، يەنە بەلگىلىك مىقداردا كاربون سۇ بىرىكمىلىرى، يىمەكلىك تالا ماددىلىرى، ئاقسىل قاتارلىقلار بار بولۇپ، ئىنىرگىيە تۇلۇقلاشتىكى ئەڭ ياخشى يىمەكلىك ھىسابلىنىدۇ. بوۋاق ئەتىگىنى بۇ خىل قاتلىما توقاچنى يىسە، بىركۈن كەچكىچە جىسمى كۈچكە تولۇپ  كىتىدۇ.
   گۈرۈچ بىلەن تېرىقتىن باشقا، بۇ خىل قاتلىما توقاچقا يەنە پىشلاق قوشۇلغان بولۇپ، پىشلاقنىڭ پايدىلىق تەرەپلىرىنى سۆزلەپ ئولتۇرۇش بىھاجەت. ئادەتتە 10جىڭ كالا سۈتىدە ئاندىن بىر جىڭ پىشلاق ئىشلەپ چىقىشقا بولىدۇ؛ كالا سۈتىنىڭ جەۋھىرى قويۇلدۇرۇلغان مەھسۇلات بولغاچقا، كىچىك بىر پارچىدىمۇ زور ئۇزۇقلۇق تەركىبى بار بولىدۇ.
   يىيىشكە ماس كىلىدىغان بالىلار: ئون ئايلىقتىن ئاشقان بوۋاق ۋە كىچىك بالىلار
   كىتەرلىك ماتىريال: بانان، پىشلاق، تېرىق، گۈرۈچ، تۇخۇم، ئىستىمال مېيى

   يىمەكلىك ماتىرياللىرىنى تەييار قىلىۋالىمىز.

   گۈرۈچ بىلەن تېرىقنى يۇيۇپ پاكىزلىغاندىن كىيىن، ئۇنى دۈملەپ قاچىغا ئېلىپ قويىمىز.

   تۇخۇمنى چېقىپ، تۇخۇم سېرىقى بىلەن ئېقىنى تۇلۇق ئارىلاشتۇرىمىز؛

   باناننى ئۇششاقراق توغراپ، گۈرۈچ ۋە تېرىق ئېشى، پىشلاق ھەم چېقىلغان تۇخۇم قاتارلىقلارنى تەكشى ئارىلاشتۇرۇىمىز؛ (باناننى ئىزىۋەتكەندىن كىيىن ئاندىن ئارىلاشتۇرساقمۇ بولىدۇ)

   قازانغا ماي قۇيۇپ، ئارىلاشتۇرۇلغان يىمەكلىك ماتىرياللىرىنى قولىمىزدا كىچىك قاتلىما توقاچ ھالىتىگە ئەكەلگەندىن كىيىن، قازاندىكى قىزىغا مايغا سېلىپ، ھەر ئىككى تەرىپى سارغايغىچىلىك داغلايمىز.