خام ماتىريالى: ئاق ئۇن، سىمىز قوي گۆشى، باش پىياز، ماش ئۇيۇتما، قىزىلمۇچ، گۈمبىمەدەك، نوقۇت، قېرىنقۇلاق، بۆدۇنە تۇخۇمى، يۇۋبەسەي    تەم خۇرۇچلىرى: تۇز، قارىمۇچ، ئاچچىقسۇ، قىزىلمۇچ چانالمىسى    تەييارلاش ئۇسۇلى: خېمىرنى چىڭراق يۇغۇرۇپ زوۋۇلا ئۈزۈپ تىندۇرۇپ قۇيىمىز. كەينىدىن قۇرۇق ئۇن سېپىپ  بىر تەرەپتىن پوزا بىلەن جىلىت ئاچىمىز.    گۆشنى ئۇششاق توغراپ،  ئۇششاق چانالغان باش پىياز، تۇز، سوققان قارىمۇچ، سۇ يېغى،  ئىلمان سۇ قاتارلىقلارنى قوشۇپ ئارىلاشتۇرۇپ قىيما تەييار قىلىمىز؛  ئېچىلغان جىلتىغا مۇۋاپىق قىيما سېلىپ تۈگۈپ تەييارلىۋالىمىز.     ماش ئۇيۇتما، گۈمبەمەدەك، قېرىنقولاق، يۇۋبەسەي قاتارلىقلارنى رەسىمدىكىدەك توغرايمىز. بۆدۈنە تۇخۇمىنى پىشۇرۋالغاندىن كېيىن شاكىلىنى سويۇۋىتىپ تەييارلايمىز.    پىشۇرۇش ئۇسۇلى: قازانغا سۇ قۇيۇپ قايناتقاندىن كېيىن، تۈگرىنى سېلىپ تۇز، قىزىلمۇچ چانالمىسى قوشۇپ تۆۋەن ئوتتا 6-5 مىنۇت پىشۇرۇپ، كەينىدىن ماش ئۇيۇتما، گۈمبىمەدەك، نۇقۇت، قېرىنقۇلاق، بۆدۇنە تۇخۇمى، يۇۋبەسەي قاتارلىقلارنى قوشىمىز. جۇۋاۋا پىشقاندا، تۇز، قارىمۇچ، ئاچچىقسۇ، سامساق چانالمىسى سېلىپ تەمىنى تەڭشەپ قاچىغا ئۇسۇپ ئالساق بولىدۇ.    ئالاھىدىلىكى: جىلىتى نېپىز، قىيمىسى يۇمشاق ھەم شورپىلىق، مەززىلىك. 
   ئەسكەرتىش
   1. قازان بەك قايناپ كەتسە، پات-پات سوغۇق سۇ قۇيۇپ تۇرۇش كېرەك. بولمىسا جۇۋاۋا ئېزىلىپ كىتىدۇ؛
   2. ئائىلىلەردە، كۆپىنچە گۆش ۋە پىياز بىلەنلا قىيما تەييارلىنىدۇ؛ لېكىن، ئۆزىڭىزنىڭ خاھىشىغا ئاساسەن،  باشقا كۆكتاتلار بىلەن بىلەن تەييارلاپ ئىستىمال قىلسىڭىزمۇ بۇلىدۇ.