يوبدان ئېشى، ئەنئەنىۋى يەرلىك تائاملارنىڭ بىرى بولۇپ، بۈگۈن كۆپچىلىكنىڭ دىققىتىگە يوبدان ئېشى تەييارلاش ئۇسۇلىنى سۇندۇق.
    كىتەرلىك ماتېرىيال: بوغداي ئۇنى، قوناق ئۇنى، قوي گۆشى، قىزىل ۋە سېرىق سەۋزە، كاۋا، چامغۇر، يۇبەسەي، سامساق، بۆدۈنە تۇخۇمى، شوخلا، پىياز، يۇمغاقسۈت

     خۇرۇچ ماتېرىيالى: تۇز
    تەييارلاش ئۇسۇلى: گۆشنى توغراپ تەييارلايمىز؛ كۆكتاتلارنى ئۇششاق توغراپ تەييارلايمىز؛ قوناق ئۇنى بىلەن بوغداي ئۇنىنى تەڭ نىسبەتتە ئارىلاشتۇرۇپ خېمىر يۇغۇرۇۋالىمىز.

   پىشۇرۇش ئۇسۇلى: قازانغا سۇ قۇيۇپ، ئاۋۋال توغرالغان گۆشنى سېلىپ قاينىتىمىز؛ گۆش قاينىغاندىن كېيىن يېغىلغان كۆپۈكچىلەرنى سۈزۈپ ئېلىۋىتىپ، توغرالغان پىيازنى سالىمىز ۋە مۇۋاپىق مىقداردا تۇز سالىمىز؛ كەينىدىنلا توغرالغان كاۋا، سەۋزە،پالەك، شوخلا قاتارلىقلارنى قوشۇپ داۋاملىق قاينىتىمىز.
يۇغۇرۇپ تەييارلىغان خېمىرنى، يايغۇ بىلەن نىپىز قىلىپ يايغاندىن كېيىن، خېمىرنى ئون سانتېمېتىر ئۇزۇنلۇقتا ئىنچىكە قەلەمچە قىلىپ كىسىۋالىمىز؛ كەينىدىن كىسىپ تەييارلىغان چۆپنى ۋە يۇۋ بەسەينى قازانغا سالىمىز. چۆپ پىشقاندىن كېيىن، سامساق بىلەن يۇمغاقسۈتنى سېلىپ، تۇز تەمىنى تېتىپ تەڭشىگەندىن كېيىن قاچىغا ئۇسۇپ ئالساق بولىدۇ.