ئۈچىنچى ئاي كىرگەندىن كېيىن، بەزى كىشىلەر گۈرۈچ تاماقلىرىنى ياقتۇرۇپ يىمەيدىغان بولۇپ قالىدۇ. بۇنداق ئەھۋالدا، تۇخۇم سەي قورۇپ گومەندە چۆپ پىشۇرۇپ لەغمەن تەييارلاپ سىناپ بېقىڭ! ئىشتىھايىڭىزدىن ئۆزىڭىزمۇ ھەيران قالىسىز.

   كىتەرلىك ماتېرىيال: گومەن، سەۋزە، كەرەپشە، قارا قېرىنقولاق، پىياز، تۇخۇم، كىراخمال، ئىستېمال مېيى، تۇز، سېرىق پۇرچاق قىيامى

تەييارلاش ئۇسۇلى
   قارا قېرىنقولاقنى سۇغا چىلاپ كۆپتۈرگەندىن كېيىن، ئۇششاق چاناپ توغرايمىز؛ سەۋزە، كەرەپشە قاتارلىق كۆكتاتلارنىمۇ ئۇششاق چاناپ توغرايمىز. ئەلۋەتتە، كەرەپشە بىلەن سەۋزىدىن باشقا، بامبۇك نوتىسى، پۇرچاق، كۆممىقوناق قاتارلىقلارنى قوشۇپ ئىشلەتسىڭىزمۇ بولىدۇ.

   تۇخۇمنى چېقىپ قوچۇپ تەييارلايمىز.

   قازانغا ماي قۇيۇپ قىزىتىپ، تۇخۇمنى سېلىپ قورۇپ قاتۇرغاندىن كېيىن ئۇسۇپ ئېلىۋالىمىز.

   قازانغا قايتىدىن ئازراق ماي قۇيۇپ، پىياز بىلەن بىر قىسىم كەرەپشە ۋە سەۋزىنى سېلىپ تەم چىقارغاندىن كېيىن، پۇرچاق قىيامىنى سېلىپ قورۇپ تەمىنى چىقىرىمىز.

   قالغان كۆكتاتلارنى سېلىپ قورۇيمىز؛ كەينىدىن ئالدىدا قاتۇرۇپ تەييارلىغان تۇخۇمنى سېلىپ ئارىلاشتۇرۇپ، بىر چىنە سوقۇشۇپ نەچچە مىنۇت قاينىتىمىز.

   تۇز قوشۇپ تەم تەڭشەپ، كىراخمال قوشۇپ قۇيۇقلۇقنى ئاشۇرۇپ قاينىتىپ، قىيام ھالىتىگە كەلگەندىن كېيىن ئوتنى ئۆچۈرۈپ ئۇسۇپ ئالساق بولىدۇ.

   قازاندا سۇ قاينىتىپ، گومەننى سېلىپ پىشۇرىمىز؛ گومەن پىشقاندىن كېيىن سۈزۈپ ئېلىپ سۇدىن ئۆتكۈزىمىز.

   گومەننى تەخسىگە ئېلىپ، ئۈستىگە قورۇپ تەييارلىغان سەينى ئېلىپ ئىستېمال قىلساق بولىدۇ.