نۇرغۇن كىشىلەر يىرىك ئاشلىق يىيىشنى ياخشى كۆرىدۇ، چۈنكى يىرىك ئاشلىق ھەزىم قىلىشقا پايدىلىق؛ لېكىن، ياخشى تەييارلىيالمىساق تەمسىز بولۇپ قالىدۇ. شۇڭا بۈگۈن كۆپچىلىكنىڭ دىققىتىگە، قوناقنىڭ يېڭىچە تەييارلاش ئۇسۇلىنى تونۇشتۇرۇپ ئۆتىمىز.
   كىتەرلىك ماتېرىيال: بەش تال تۇخۇم، بىر خالتا سۈت، 350گىرام قوناق ئۇنى، 150گىرام ئاق ئۇن

   تۇخۇمنى بىر چىنىگە چېقىپ تەكشى ئارىلاشتۇرىمىز؛ داسقا كالا سۈتى قوشۇپ، 5گىرام ئېچىتقۇ قوشىمىز.

   ئۈستىگە قوچۇپ تەييارلىغان تۇخۇمنى قوشۇپ، بىر قوشۇق ئاق شىكەر قوشىمىز.

   تەكشى ئارىلاشتۇرۇپ خېمىر قىلىپ يۇغۇرىمىز.

   خېمىرنى يۇغۇرۇپ بولغاندىن كېيىن، ئۈستىنى يېڭى ساقلاش پىلاستىرىدا يۆگەپ، ئىسسىق جايدا قويۇپ ئىككى سائەت كۆپتۈرىمىز.

   خېمىر كۆپۈپ ئىككى ھەسسە بولغان ۋاقىتتا، ئازراق ئەيلەپ يۇمىلاق ھالەتكە ئەكىلىمىز.

   خېمىرنى دۈملەش قازىنىغا سېلىپ دۈملەيمىز؛ دۈملەش قازىنىغا سالغان ۋاقىتتا، ئەتراپتا يىتەرلىك بوشلۇق قالدۇرۇش كېرەك. چۈنكى، دۈملىگەن ۋاقىتتا خېمىر يەنە كۆپ يوغىنايدىغان بولغاچقا، يان تەرەپتە بوشلۇق قالدۇمىساق، قاينىغان سۇ ھورلىرى ئۈستىگە چىقالماي، خېمىر پىشماي قالىدۇ.

   ئوت يېقىشقا ئالدىرىماي، تۇۋاقنى يېپىپ خېمىرنى يەنە ئازراق كۆپتۈرىمىز؛ ئادەتتە 30-20مىنۇت ئەتراپىدا قويساق بولىدۇ.

   كەينىدىن ئوتنى يېقىپ، 20مىنۇت ئەتراپىدا دۈملەپ پىشۇرىمىز.

   قازاندىن ئېلىپ سۇۋۇغاندىن كېيىن، كىسىپ پارچىلاپ ئىستېمال قىلساق بولىدۇ.