خام ماتىريالى: ئۇن 1چىنە، تۇخۇم 1دانە،  سۇ ماي، سىمىز قوي گۆش، باش پىياز

  تەم خۇرۇچلىرى: تۇز، ئاقمۇچ، قارا مۇچ، زىرە، كۈنجۈت

 تەييارلاش ئۇسۇلى: خېمىرنى چىڭراق يۇغۇرىمىز.ئىككى دانە زۇۋۇلا تەييارلاپ تىندۇرۇپ قويىمىز. گۆشنى ئۇششاق توغراپ باش پىيازنى چاناپ يۇمشىتىپ تۇز، ئاقمۇچ، قارا مۇچ، زىرە قوشۇپ تۇز تەمىنى تېتىپ قىيمىسىنى تەييارلىۋالىمىز. زۇۋۇلىنى نېپىز يېيېپ ئارىسىغا گۆش سېلىپ ئوخشاش يەنە بىر يېيىلغان خېمىرنى ئۇستگە يېپىپ سىرتىدىن ئىچىگە تۈرىمىز.

پىشۇرۇش ئۇسۇلى: قازانغا ماي قۇيۇپ بوشراق قىزىغاندا تەييارلانغان گۆشناننى چويلىغا سېلىپ مايغا چىلىۋەتمەي ئۈستىدىن قىزىق ماينى قۇيىمىز بۇنداق قىلغاندا گۆشنان كۆيۈپ كەتمەي سۈپەتلىك بولىدۇ.

كېيىن ئاستا – ئاستا ياغقا چۆكۈرىمىز. گۆشنان سارغۇچ ھالەتكە كەلگەندە ئۇستىگە تۇخۇمنىڭ سېرىقىنى سۇركەپ كۈنجۈت سىپىپ مايغا قايتا سالىمىز.شۇ ھالەتتە رەڭگى قىزغۇچ بولغىچە  پىشۇرساق بولىدۇ .