تۈگۈپ ئېشىپ قالغان بەنشىر ياكى چۆچۈرە جىلتىنى ئازراق تارتىشتۇرۇپ شەكىلگە ئەكىلىپ پىشۇرسىڭىز، تەمىنى ئۇنتىيالمىغۇدەك دەرىجىدىكى بىر قاچا چۆپ تەييارلىيالايسىز. خېمىر يۇغۇرۇش كەتمەيدۇ، ۋاقىت ھەم كۈچ تىجىلىدۇ.

كىتەرلىك ماتىريال
   بەنشىر جىلتى 250گىرام، يۇبەسەي
خۇرۇچ ماتىرياللىرى
   شىڭچوۋ جىياڭيۇسى، ئاچچىقسۇ، قىزىلمۇچ ئۇنى، ئاق شىكەر، كۈنجۈت مېيى، تۇز، كۈنجۈت، غولپىياز مايسىسى، سامساق چانالمىسى
 

 

   بەنشىر جىلتىنى ئوتتۇردىن قاتلىغاندىن كىيىن سوزۇپ ئۇزۇن چۆپ ھالىتىگە ئەكىلىمىز؛

   قازان ئېسىپ سۇ قۇيۇپ، چۆپنى يۇبەسەي بىلەن بىللە سېلىپ قاينىتىپ، بىر مىنۇت ئەتراپىدا پىشۇرىمىز؛

   پىشقاندىن كىيىن سۈزىۋىلىپ سۇغۇق سۇدىن ئۆتكۈزىمىز؛
 

   چۆپ بىلەن كۆكسەينى قاچىغا سېلىپ، ئۈستىگە 30گىرام شىڭچۇۋ جىياڭيۇسى، 20گىرام ئاچچىقسۇ، 10گىرام كۈنجۈت مېيى، 3گىرام ئاق شىكەر، 3گىرام قىزىلمۇچ ئۇنى، سامساق چانالمىسى، كۈنجۈت قاتارلىقلارنى قوشىمىز؛ بۇندىن باشقا يەنە ئازراق غولپىياز مايسىسى چانالمىسى سېپىۋەتسەكمۇ بولىدۇ.
 

   ئاخىرىدا ئۈستىگە قىزىتىلغان ماي قۇيىمىز