تۇرمۇش شارائىتىمىزنىڭ بارغانسىرى ياخشىلىنىشىغا ئەگىشىپ، كىشىلەرنىڭ يۇقىرى قان بېسىم كىسەللىكىگە گىرىپتار بولۇش نىسبىتى بارغانسىرى ئېشىپ بارماقتا؛ ئۇنداقتا يۇقىرى قان بسىم كىسەللىكى بار كىشىلەرگە نىسبەتەن ئېلىپ ئېيتقاندا، قان بېسىمنى چۈشۈرىدىغان قانداق يىمەكلىكلەر بار؟
1. چار خەمەك(苦瓜)
    چار خەمەك تەركىبىدە، كاروتىن، يىرىك تالا ماددىسى، چارخەمەك ماددىسى ۋە ئاسكوربىك كىسلاتا قاتارلىقلار بار بولۇپ، ئىسسىق يەلنى ھەيدەپ زەھەر ياندۇرۇش، كۆزنى روشەنلەشتۈرۈپ قان بېسىمنى تۆۋەنلىتىش قاتارلىق ئۈنۈملىرى بار. چار خەمەكنى ئىستمال قىلىش ئۇسۇلىمۇ كۆپ خىللاشقان بولۇپ، ئىزىپ شىرىنىسىنى ئىچىشكە ياكى سۇغۇق سەي تەييارلاپ ئىستىمال قىلىشقا ۋە ياكى قورۇما قورۇپ ئىستىمال قىلىش بولىدۇ، ھەممە خىل ئۇسۇلدا ئۇزۇقلۇق قىممىتى ئوخشاشلا يۇقىرى بولىدۇ.

2. خەيدەي(海带)
    خەيدەي تەركىبىدىكى كالتسىي ۋە تۆمۈر ماددىسىنىڭ مىقدارى نىسبەتەن مول بولۇپ، ئۇلار قىزىل قان ئاقسىلىنىڭ بىرىكىشىنى ئىلگىرى سۈرۈپ، قان ئايلىنىش سېستىمىسىنىڭ نورماللىقىنى كاپالەتكە ئىگە قىلىدۇ. بۇندىن باشقا، خەيدەي تەركىبىدىكى تويۇنمىغان ياغ كىسلاتالارنىڭ قان نۆكچىلىرى ۋە قان تۇمۇر دىۋارلىرىغا يېپىشىۋالغان خولىستىرىننى ئازايتىش ئۈنۈم بار؛ بۇنىڭ بىلەن بىرگە خەيدەي تەركىبىدىكى يىمەكلىك تالا ماددىلىرى ئاشقازان-ئۈچەيدىكى ئەخلەتلەرنى تازىلاپ، خولىستىرىننىڭ پارچىلىنىشىنى تىزلىتىش ئۈنۈمىگە ئىگە بولۇپ، بۇ ئارقىلىق بەدەندە ماي يېغىلىپ قېلىشىنى ئازايتىش ۋە قان بېسىمنى تۆۋەنلىتىش رولىنى ئوينايدۇ.
    خەيدەينى ئادەتتە شورپا قاينىتىپ ياكى خەيدەينىڭ ئۆزىنىلا قورۇپ ئىستىمال قىلساق، ئوخشاشلا كۆرۈنەرلىك ھالدا قان بېسىمنى تۆۋەنىلىتىش ئۈنۈمىگە ئىرىشكىلى بولىدۇ.