دوختۇرلۇق، دۇنيادىكى ئەڭ ھۆرمەتلەشكە تىگىشلىك بولغان كەسىپلەرنىڭ بىرى؛ چۈنكى ئۇلار كىشىلەرنى كىسەل ئازابىدىن ۋە ئۆلۈم خەۋپىدىن قۇتقۇزىدۇ، ئۇنىڭ ئۈستىگە دوختۇرلارنىڭ ئادەتتە ھەممىسىنىڭ كەسپى ئەخلاقى ئىنتايىن يۇقىرى بولىدۇ. بىراق ھەممە ئىشتا ئايرىم ئالاھىدە مىساللار بولۇپ قالىدۇ، شۇڭا دوختۇرلار ئارىسىدىمۇ تېخنىكىسى ۋە كەسپى ئەخلاقى نارچار بولغان دوختۇرلاردىن بىرەر ئىككىسى چىقىپ قالىدۇ؛ بۇنداق دوختۇرلار كەلتۈرۈپ چىقارغان ئاقىۋەت، بىمارلارغا ۋە ئۇلارنىڭ ئائىلىسىدىكىلەرگە نىسبەتەن ۋەيران قىلىش خارەكتىرلىك كىلىدۇ.
    ئەنگىلىيە "كۈندىلىك پوچتا گىزىتى"نىڭ خەۋرىگە ئاساسلانغاندا، ھىندىستان شىنەيدىكى بىر "چولپان دوختۇر"، بىر قېتىملىق ئوپراتسىيە داۋامىدا خاتالىق سادىر قىلىپ، بىر بوۋاقنىڭ بېشىنى تارتىپ ئۈزۈۋەتكەن؛ تېخىمۇ ھەيران قالارلىق بولغىنى، ئۇ ھازىرمۇ شۇ دوختۇرخانىنىڭ "چولپان دوختۇرى" بولۇپ ئىشلەۋاتقان بولۇپ، بۇ دوختۇرخانىنىڭ تور بېتىدە ئۇنى "ئىنتايىن مول تەجىربىگە ئىگە دوختۇر" دەپ تۇنۇشتۇرغان.(ئۈستىدىكى سۈرەتتىكى ئايال، بۇ قېتىملىق ھادىسىنى پەيدا قىلغان دوختۇر)

    بۇ قېتىملىق ھادىسىدە زىيانكەشلىككە ئۇچرىغىنى، بىرىنچى قېتىم ئانا بولغان لاۋرا.گاللازى بولۇپ، ئەينى ۋاقىتتا ئۇنىڭ بالىسى مۇددەتتىن بالدۇر تۇغۇلۇپ قېلىش ئەھۋالىغا تەۋە ئىدى، ئۇنىڭ ئۈستىگە بالىمۇ تەتۈر كىلىپ قالغان ئىدى؛ ئەمما مۇشۇنداق ئەھۋال ئاستىدىمۇ، ئۇنىڭ تۇغۇتىغا مەسئۇل بولغان 43 ياشلىق دوختۇر ۋائىشناي.لاشمان، لاۋرانىڭ قورسىقىنى كىسىپ بالىنى ئېلىشنى رەت قىلىپ، لاۋرانىڭ ئۆزىنىڭ تەبىئى ھالدا تۇغۇشىنى ئېيتقان؛ بىز ئەينى ۋاقىتتا لاۋرانىڭ قانچىلىك دەرىجىدىكى تۇغۇت ئازابى تارتقانلىقىنى تەسەۋۋرۇ قىلىپ يىتىشكە ئاجىزلىق قىلىمىز. ئاخىرىدا لاۋرانىڭ تۇغۇتى قىيىنلىشىپ، بۇ "چولپان دوختۇر" قولى بىلەن بالىنى تارتىپ تۇغۇتقا ياردەملىشىش جەريانىدا، قولى چۈشۈرگەن كۈچنى ياخشى كونتىرول قىلالماي، بوۋاقنىڭ بوينىنى تارتىپ كاللىسىنى ئۈزۈۋەتكەن.(ئۈستىدىكى سۈرەتتىكى ئايال، بۇ قېتىملىق ھادىسىدە زىيانكەشلىككە ئۇچرىغان بوۋاقنىڭ ئانىسى لاۋرا.گاللازى)

    بۇ ھادىسىگە قارىتا، ناھاق تۈردە زىيانكەشلىككە ئۇچراپ كەتكەن لاۋرا مۇنۇلارنى بىلدۈرگەن: " چولپان دوختۇرنىڭ خىزمىتى يەنە داۋاملىشىۋىرىدۇ، ئۇ مەشىقلەندۈرۈلگەندىن كىيىن يەنە داۋاملىق تۈردە دوختۇرلىقىنى قىلسا بولىۋىرىدۇ، ئۇنىڭ تۇرمۇشىمۇ ئىلگىركىگە ئوخشاش داۋاملىشىۋىرىدۇ. بىراق مىنىڭ تۇرمۇشۇم مەڭگۈ ئوخشاش بولالمايدۇ، ھازىر مىنىڭ تۇرمۇشۇمنى ۋەيران بولدى دىيىشكە بولىدۇ."
    ھادىسە كۆرۈلگەن دوختۇرخانىنىڭ تور بىكىتىدە، يۇقىردا ئېيتىلغان "چولپان دوختۇر" مۇنداق تۇنۇشتۇرۇلغان: " ئۆتكەنكى نەچچە يىل مابەينىدە، ۋائىشناي.لاشمان نۇرغۇنلىغان سادىق خىرىدارلارغا ئىرىشكەن؛ ئۇ ھەمىشە بىر قانچىلىغان داڭلىق ئەرباپلار، غايىلىك مودىللار ۋە باشقا يۈز-ئابرويلۇق خىرىدارلارنىڭ ئۆز كسىلىنى كۆرۈپ قويۇش ھەققىدىكى ئىلتىماسىنى تاپشۇرۋالىدۇ؛ ھەتتا دۆلەت سىرتىدىن كەلگەن بىمارلارمۇ، دائىم دىگۈدەك ئۇنىڭغا كىسەل كۆرسىتىشكە كىلىدۇ."
     نۆۋەتتە، لاۋرا.گاللازى ئەرز-شىكايەت قىلىشقا تەييارلىق كۆرۈۋاتىدۇ. بىز بۇ قېتىملىق ھادىسىنىڭ مۇۋاپىق تۈردە ھەل قىلىشقا ئىرىشىشىنى ئۈمىد قىلىمىز.