يۇقىرى قان بېسىمى، قاننىڭ ماي تەركىبى يۇقىرى، قاننىڭ قەنت تەركىبى يۇقىرى بولۇش، يۈرەك-مېڭە قان تومۇر كېسەللىكلىرىنىڭ ئاساسلىق خەتەر ئامىللىرى بولۇپ، ئادەمنىڭ ئۆمرىگە ئېغىر دەرىجىدە تەسىر يەتكۈزىدۇ. بىراق، تۇرمۇش رېتىمىنىڭ تىزلىشىشى، يېمەك-ئىچمەك ئادىتىنىڭ ئۆزگىرىشى ۋە ناچار تۇرمۇش ئادەتلىرىنىڭ شەكىللىنىشىگە ئەگىشىپ، ئادەمنىڭ ئۆمرىگە ئېغىر دەرىجىدە تەسىر كۆرسىتىدىغان يەنە بىر كېسەللىك ئامىلى كۆرۈلدى؛ ئۇ بولسىمۇ، قان قويۇلۇشتۇر.

   ئادەتتە، قان قويۇلغاندا بىر قاتار بىنورمال ئالامەتلەرنى كەلتۈرۈپ چىقىرىدىغان بولۇپ، ۋاقىتنىڭ ئۇزۇرىشىغا ئەگىشىپ، يۈرەك مېڭە قان تومۇر كېسەللىكلىرىنى كەلتۈرۈپ چىقىرىدۇ. تىببى كۆزىتىشلەردە بايقىلىشىچە، قان قۇيۇلۇپ قالغان بىمارلاردا، دەسلەپكى مەزگىللەردە تۆۋەندىكى ئالامەتلەر كۆرۈلىدىكەن.
ئەتىگىنى بېشى قېيىپ، كەچتە سەگەك بولۇش
   قان قۇيۇقلۇقى يۇقىرى كىشىلەر، ئەتىگىنى ئورنىدىن تۇرغاندا كاللىسى ئېغىر، تەپەككۇرى راۋان ئەمەستەك ھېس قىلىدۇ؛ ئەتىگەنلىك ناشتا قىلىپ بولغاندىن كېيىن، ئۇلارنىڭ كاللىسى ئاندىن تەدرىجىي ھالدا سەگەكلىشىدۇ. كەچلىك تاماقتىن كېيىن بولسا، روھى ھالىتى ئەڭ ياخشى بولىدۇ.
چۈشتىن كىيىن ئۇيقۇ تۇتۇش
   چۈشلۈك تاماقتىن كېيىن، ئىنتايىن ھارغىنلىق ھېس قىلىپ، چوقۇم ئازراق ئۇخلىۋالغاندىن كېيىن ئاندىن روھى ھالىتى ئەسلىگە كېلىدۇ، بولمىسا پۈتكۈل چۈشتىن كېيىن روھى سۇلغۇن ئۆتىدۇ. بۇ، چۈشلۈك تاماقتىن كېيىن مېڭىگە قان يىتىشمىگەنلىكنىڭ تىپىك ئالامىتىدۇر؛ ئەكسىچە، كەچلىك تاماقتىن كېيىن روھى ھالىتى ناھايىتى ياخشى بولۇپ قالىدۇ.

تۇرۇپ تۇرۇپ كۆزلىرى خىرەلىشىش
   قان قۇيۇقلۇقى ئېشىپ كەتكەن ئوتتۇرا ياش، ياشانغان كىشىلەردە، ھەمىشە ۋاقىتلىق تىپتىكى كۆزلىرى خرەلىشىش ئالامەتلىرى كۆرۈلىدۇ؛ بولۇپمۇ بويۇن قىسىمنى تولغاپ مىدىرلاتقاندا، بۇ خىل ئەھۋال تېخىمۇ ئاسان كۆرۈلىدۇ. بۇ ئەھۋال، قاننىڭ قۇيۇقلۇقى زىيادە ئېشىپ كەتكەنلىكتىن بولۇپ، قان ئايلىنىش سۈرئىتى ئاستىلاپ، كۆرۈش نىرىپلىرىغا يىتەرلىك ئۇزۇقلۇق، قان ۋە ئوكسىگېن يىتىشمىگەنلىكتىن پەيدا بولىدۇ.
كۆكرەك سىقىلىش
   قاننىڭ قۇيۇقلۇقى يۇقىرىلىسا، كۆرەك سىقىلىپ نەپەس قىستايدىغان ئەھۋال كۆرۈلىدۇ. بۇنداق بولۇشتىكى سەۋەب، قاننىڭ قۇيۇقلۇقى يۇقىرى بولغاچقا، يۈرەكنىڭ ھەر قايسى ئەزالارنى قان بىلەن تەمىنلىشى ئاستىلىغانلىقتىن بولىدۇ؛ بۇ ۋاقىتتا، چوڭ مېڭە ۋە ئۆپكە قاتارلىق ئەزالارغا قان يىتىشمىگەچكە، ئادەمدە نەپەسلىنىش قىيىن بولۇش ئەھۋالى كۆرۈلىدۇ.