قورساق ئاچسا ئەلۋەتتە يېمەكلىك يەيمىز، لېكىن بەزى يېمەكلىكلەرنى ئاچ قورساققا يىيىشكە بولمايدۇ.

كالا سۈتى
   كالا سۈتى تەركىبىدە زو مىقداردا ئاقسىللار بار بولۇپ، ئاچ قورساققا كالا سۈتى ئىچسەك، ئاقسىللار ئالدى بىلەن پارچىلىنىپ ئېنىرگىيەگە ئايلىنىپ كېتىدۇ؛ بۇنداق ئەھۋالدا، بىر جەھەتتىن ئۇزۇقلۇق ئىسراپ بولۇپ كېتىدۇ، يەنە بىر جەھەتتىن ئاشقازان-ئۈچەينىڭ بېسىمىنى ئاشۇرىۋىتىدۇ.
تاتلىق ياڭيۇ
   تاتلىق ياڭيۇ تەركىبىدە تاننىن ۋە يىلىم ماددىسى بار، شېكەر تەركىبىمۇ يۇقىرى؛ شۇڭا، ئەگەر تاتلىق ياڭيۇنى ئاچ قورساققا يىسەك، ئاشقازان دىۋارىنى غىدىقلاپ تېخىمۇ كۆپ ئاشقازان كىسلاتاسى ئاجرىلىپ چىقىشنى كەلتۈرۈپ چىقىرىدۇ ھەمدە بۇ سەۋەبلىك ئاشقازان ئېچىشىش، ئاشقازان كۆپۈش قاتارلىق ئەھۋاللارنى كەلتۈرۈپ چىقىرىدۇ.

زىيادە سوغۇق يېمەكلىكلەر
   ئاچ قورساققا زىيادە سوغۇق يېمەكلىكلەرنى ئىستېمال قىلساق، ئاشقازان-ئۈچەينى غىدىقلاپ، ئاشقازان-ئۈچەينىڭ تارتىشىشىنى كەلتۈرۈپ چىقىرىدۇ؛ بۇنداق ئەھۋال ئۇزۇن داۋاملاشسا، ئاسانلا ئاشقازان كېسىلى ۋە ئىچى سۈرۈش قاتارلىق ئۈچەي كېسەللىكلىرىنى كەلتۈرۈپ چىقىرىدۇ.

ھاراق
   ھەممىمىزگە مەلۇملۇق، ئىسپىرت، ئاز ساندىكى ئاشقازان تەرىپىدىن بىۋاستە سۈمۈرۈلىدىغان ماددىلارنىڭ بىرى. ئەگەر ئاچ قورساققا ھاراق ئىچسەك، سۈمۈرۈلۈش سۈرئىتى تېخىمۇ تېز بولۇپ، ئاشقازان چاپلاشقاق پەردىسىنى غىدىقلاپ، ئاشقازان ياللۇغى، ئاشقازان يارىسى قاتارلىق كېسەللىكلەرنى كەلتۈرۈپ چىقىرىدۇ.

قېنىق چاي
   قېنىق چاي تەركىبىدە زور مىقداردا كوففىئىن بار، ئەگەر ئاچ قورساققا قېنىق چاي ئىچسەك، قوبۇل قىلغان كوففىئىن كۆپ بولغانلىق سەۋەبلىك، "چايدا مەست بولۇپ قېلىش" ھادىسىسى كېلىپ چىقىشى ھەمدە بۇ سەۋەبلىك باش قېيىش، يۈرەك ئېغىش، ماغدۇرسىزلىنىش قاتارلىق ئەھۋاللار كېلىپ چىقىشى مۇمكىن.
سامساق
   سامساق تەركىبىدىكى سامساق ماددىسىنىڭ كۈچلۈك ئاچچىق تەمى بار. ئەگەر ئاچ قورساققا سامساق ئىستېمال قىلساق، ئاشقازان چاپلاشقاق پەردىسى ۋە ئۈچەي دىۋارىغا كۈچلۈك غىدىقلاش پەيدا قىلىپ، ئاشقازان ئېچىشىش قاتارلىق ئەھۋاللارنى كەلتۈرۈپ چىقىرىدۇ، ئېغىر بولغاندا جىددىي خاراكتېرلىك ئاشقازان ياللۇغى پەيدا قىلىدۇ.