تۇخۇمنى پىشۇرۇش ئۇسۇلى ناھايىتى كۆپ، ئەمما ئۇزۇقلۇق نۇقتىسىدىن ئېلىپ ئېيتقاندا، يەنىلا سۇدا پىشۇرۇپ ئىستېمال قىلىش ئەڭ ياخشى ھېسابلىنىدۇ.

   ئادەتتە، تۇخۇمنى ئون مىنۇت ئەتراپىدا پىشۇرساق، ئېقى ۋە سېرىقى تولۇق قېتىپ پىشىدۇ؛ ئەگەر ئالتە مىنۇتتىن تۆۋەن بولۇپ قالسا، تۇخۇمنىڭ سېرىقى يېرىم قاتقان ھالەتتە پىشىپ قېلىشى مۇمكىن. ئۇزۇقلۇق نۇقتىسىدىن ئېلىپ ئېيتقاندا، سېرىقى تۇلۇق قېتىپ پىشقان بىلەن يېرىم قاتقان ھالەتتە پىشقاننىڭ كۆپ پەرقى يوق، ئەمما تەم جەھەتتە كۆرۈنەرلىك پەرق بار. بىخەتەرلىك نۇقتىسىدىن ئېلىپ ئېيتقاندا، پەرقى تېخىمۇ چوڭ بولۇپ، ئەڭ ياخشىسى پۈتۈنلەي قېتىپ پىشقان تۇخۇم يىيىش كېرەك.

   چۈنكى، تۇخۇمغا نىسبەتەن ئېلىپ ئېيتقاندا، ئەڭ ئاسان يۇقۇملىنىدىغان ۋىرۇس، سالمونىللا ۋىروسى بولۇپ، بۇ خىل ماددا پۇراقسىز ھەم رەڭسىز كېلىدۇ، ئاسان پەرقلەندۈرگىلى بولمايدۇ، ئەمما ئادەم بەدىنىگە بولغان زىيىنى ئىنتايىن چوڭ بولىدۇ. ئەگەر ئېھتىياتسىزلىقتىن سالمونىللا ۋىروسى بار يېمەكلىكنى يەپ قويساق، ئادەمدە زەھەرلىنىشنى كەلتۈرۈپ چىقىرىپ، قىزىش، قورساق ئاغرىش، كۆڭۈل ئاينىش، ئىچى سۈرۈش، قۇسۇش قاتارلىق ئالامەتلەر كۆرۈلىدۇ؛ ئادەتتىكى كىشىلەر 7-3 كۈن ئەتراپىدا ئۆزلىكىدىن ساقىيىپ كېتىدۇ، ئەمما كىچىك بالىلار ۋە ياشانغانلارغا نىسبەتەن، ئەگەر ۋاقتىدا داۋالاش قىلىنىمىسا، ئېغىر بولغاندا ئۆلۈپ كېتىشنى كەلتۈرۈپ چىقىرىدۇ.