كالا گۆشى تەركىبىدە ساركوزىن مىقدارى مول
   كالا گۆشى تەركىبىدىكى ساركوزىننىڭ(肌氨酸) مىقدارى باشقا ھەر قانداق يېمەكلىكلەرگە قارىغاندا يۇقىرى بولۇپ، بۇ خىل ماددىنىڭ مۇسكۇللارنىڭ ئۆسۈشى ۋە كۈچنىڭ ئېشىشىغا قارىتا ئالاھىدە ئۈنۈمى بار.
ۋىتامىن B6 بار
   ئاقسىلغا بولغان ئېھتىياج قانچە يۇقىرى بولغانسېرى، يېمەك-ئىچمەك تەركىبىدە قوشۇلۇشقا تېگىشلىك ۋىتامىن B6 شۇنچە كۆپ بولىدۇ. كالا گۆشى تەركىبىدىكى ۋىتامىن B6 يىتەرلىك كۆپ بولۇپ، ئادەمنىڭ ئىممونت كۈچىنى ئاشۇرۇپ، ئاقسىلنىڭ مىتابولىزىملىنىشى ۋە بىرىكىشىنى ئىلگىرى سۈرىدۇ ھەمدە بۇ ئارقىلىق جىددىي مەشىقتىن كېيىنكى بەدەننىڭ ئەسلىگە كېلىشىگە پايدىلىق رول ئوينايدۇ.
تەركىبىدە كارنىتىن بار
   توخۇ گۆشى، بېلىق گۆشى تەركىبىدىكى كارنىتىن(肉毒碱) ۋە ساركوزىننىڭ مىقدارى ناھايىتى تۆۋەن، ئەمما كالا گۆشى تەركىبىدىكى مىقدارى يۇقىرى. كارنىتىن، ياغلارنىڭ مىتابولىزىمىنى قوللاشقا ئىشلىتىلىدىغان بولۇپ، بەدەن گۈزەللەشتۈرۈش تەنھەرىكەتچىلىرىنىڭ مۇسكۇللىرىنى يوغىنىتىپ ئاشۇرۇشتا مۇھىم رول ئوينايدىغان بىر خىل ئامىنو كىسلاتاسىدۇر.
ئاقسىل ۋە كالىي ماددىسى مول
   كالىي، كۆپ قىسىم تەنھەرىكەتچىلەرنىڭ يېمەك-ئىچمىكىدە نىسبەتەن ئاز بولغان مىنرالنى ماددا. بەدەندىكى كالىينىڭ مىقدارى تۆۋەن بولۇپ قالسا، ئاقسىللارنىڭ بىرىكىشىنى ۋە ئۆسۈش ھورمۇنىنىڭ ئاجرىلىپ چىقىشىنى چەكلەپ قويىدۇ ھەمدە بۇ سەۋەبلىك مۇسكۇللارنىڭ ئۆسۈشىگە تەسىر يەتكۈزىدۇ. لېكىن، كالا گۆشىنىڭ تەركىبىدە، مول مىقداردا كالىي ماددىسى بار.
لىنولېئىك كىسلاتانىڭ تۆۋەن ياغلىق كىلىش مەنبەسى
   كالا گۆشىنىڭ ياغ تەركىبى ئىنتايىن تۆۋەن، ئەمما بىرىكمە لىنولېئىك كىسلاتا مىقدارى ئىنتايىن مول؛ بۇ خىل ئوكسىدلىنىشقا قارشى تۇرغۇچى ماددا، ئېغىرلىق كۆتۈرۈش قاتارلىق ھەرىكەتلەر جەريانىدا كۆرۈلدىغان ئورگانىزىم زەخىملىنىشكە ئۈنۈملۈك قارشى تۇرالايدۇ.
تەركىبىدە سىنىك، ماگنىي، تۆمۈر قاتارلىقلار بار
   تۆمۈرنىڭ قان ياساشتىكى كەم بولسا بولمايدىغان زۆرۈر ماددا ئىكەنلىكىنى ھەممىمىز بىلىمىز. سىنىك بولسا، يەنە بىر خىل ئاقسىللارنىڭ بىرىكىشىگە پايدىلىق ھەم مۇسكۇللار ئۆسۈشىنى ئىلگىرى سۈرىدىغان ماددىدۇر. ماگنىينىڭ بولسا، ئاقسىللارنىڭ بىرىكىشىنى قوللاش، مۇسكۇللار كۈچىنى ئاشۇرۇش رولى بار.