بولكا، تاتلىق تۈرۈملەر ئارىسىدىكى ئەڭ كۆپ ئۇچرايدىغان بىر خىل تۈرۈم بولۇپ، مەيلى چوڭلار بولسۇن ياكى بالىلار بولسۇن، ھەممەيلەن ياقتۇرۇپ ئىستېمال قىلىدۇ.

   نۇرغۇن كىشىلەر، بولكا تەييارلاش جەريانى مۇرەككەپ، ئۇنىڭ ئۈستىگە دوخوپكا بولمىسا بولمايدۇ دەپ قارايدۇ، ئەمەلىيەتتە ئۇنداق ئەمەس. بۈگۈن كۆپچىلىكنىڭ دىققىتىگە، دوخوپكا كەتمەيدىغان، ھەم دۈملەش قازىنىمۇ ئىشلىتىلمەيدىغان بىر خىل بولكا تەييارلاش ئۇسۇلى تونۇشتۇرۇپ ئۆتىمىز.
   كىتەرلىك ماتېرىيال: 250 گىرام ئادەتتىكى ئۇن ، 4 دانە تۇخۇم ، 3 گىرام ئېچىتقۇ، 20گىرام ئاق شېكەر.
تەييارلاش ئۇسۇلى
    داسقا 250گىرام ئۇن، 3گىرام ئېچىتقۇ، 20گىرام ئاق شېكەرنى قوشۇپ، چوكا بىلەن ئۇلارنى تەكشى ئارىلاشتۇرىمىز؛ كەينىدىن 10گىرام ئىستېمال مېيى قوشۇپ، قېتىشىۋالغان تۈگۈنچىلەر قالمىغۇچە ئارىلاشتۇرىمىز.

   ئۈستىگە تۇخۇمدىن تۆتنى چېقىپ، چوكىدا  ئارىلاشتۇرىمىز؛ ئۇن بىر-بىرىگە يېپىشقاندىن كېيىن، قولىمىزدا ئارىلاشتۇرۇپ خېمىر يۇغۇرۇىمىز؛ يۇغۇرۇپ بولغاندىن كېيىن، ئۈستىگە بىرەر نەرسە يېپىپ قويۇپ، ئەسلىدىكىنىڭ ئىككى ھەسسىسىچىلىك كۆپتۈرىمىز.

   كۆپۈپ تەييار بولغان خېمىرنىڭ ئۇۋۇلاپ، ئىچكى قىسىمىدىكى ھاۋانى چىقىرىۋەتكەندىن كېيىن، ئوخشاش چوڭلۇقتا كىسىپ تەييارلايمىز؛ كىسىپ تەييار قىلغان خېمىرنى قولىمىزدا ئۇۋۇلاپ، يۇمىلاق ھالەتكە ئەكەلگەندىن كېيىن، ئۈستىگە يېڭى ساقلاش پىلاستىرى يېپىپ، ئىككىنچى قېتىم قايتىدىن ئىككى ھەسسە كۆپتۈرۈمىز.