ياشنىڭ ئېشىشىغا ئەگىشىپ، ئاز بولمىغان كىشىلەر كۆزىنىڭ كىچىكلەپ قالغانلىقىنى بايقايدۇ. نۇرغۇن كىشىلەر بۇنى خاتا سىزىم دەپ قارايدۇ، ئەمەلىيەتتە بۇ خاتا سىزىم ئەمەس. تەتقىقاتلاردا كۆرسىتىلىشىچە، ئادەم 25ياشتىن ئاشقاندىن كېيىن، كۆز ئەتراپى مۇسكۇللىرىنىڭ بوشىشىغا ئەگىشىپ، ئادەمنىڭ كۆزلىرى راستتىنلا كىچىكلەشكە باشلايدۇ. بۇندىن باشقا، ئادەتتە تۆۋەندىكى ئەھۋاللارمۇ، ئادەمنىڭ كۆزىنىڭ بارغانسېرى كىچىكلەپ كېتىشىنى كەلتۈرۈپ چىقىرىدۇ.

يانفونغا كۆپ قاراش
   پەن-تېخنىكىنىڭ تەرەققىي قىلىشىغا ئەگىشىپ، ھازىرقى كىشىلەرنىڭ تۇرمۇشى "ئېكران"دىن ئايرىلالمايدىغان بولۇپ قالدى: خىزمەت ۋاقتىدا كومپىيوتىر ئېكرانىغا قارايمىز، ئۆيگە قايتقاندىن كېيىن بولسا يانفون ئېكرانىغا قارايمىز. ئېلىكترونلۇق ئېكرانلارغا كۆپ قاراش، كۆزنىڭ كىچىكلەپ كېتىشىنى پەيدا قىلىدىغان سەۋەبلەرنىڭ بىرى بولۇپ، بۇنىڭدىكى ئاساسلىق سەۋەب، ئېلىكترونلۇق ئېكران تارقاتقان كۆك نۇر ئادەمنىڭ كۆرۈش تور پەردىسىگە زىيان يەتكۈزۈپ، كۆز چارچا، كۆز ئەتراپى مۇسكۇللىرى بوشىشىش قاتارلىق ئەھۋاللارنى پەيدا قىلىدۇ ھەمدە بۇ سەۋەبلىك قاپاق ساڭگىلاپ كۆز كىچىكلەپ قېلىشنى كەلتۈرۈپ چىقىرىدۇ.
ھەمىشە كۆزنى ئۇۋۇلاش
   كۆزنى كۆپ ئۇۋۇلاش، قەتئىي ياخشى بولمىغان بىر ئادەت. كۆزنى كۆپ ئۇۋۇلىغاندا، كۆز ئەتراپى مۇسكۇللىرىنى بوشىتىپ، بۇ سەۋەبلىك قاپاق ساڭگىلاش ۋە ئىششىپ قېلىشنى پەيدا قىلىپ، كۆزنى كىچىكلەشتۈرىۋىتىدۇ. ئەگەر كۆزىمىز چارچاپ كەتسە، دورا تېمىتساق ياكى كۆز ئاسراش گىمناستىكىسى ئىشلەپ بەرسەك بولىدۇ، ئەمما كۆزنى ئىمكان قەدەر قولىمىزدا ئۇۋىلىماسلىقىمىز لازىم.