ئەنگىلىيە ئاخبارات ۋاستىلىرىنىڭ 8-فىۋرالدىكى خەۋرىگە ئاساسلانغاندا، ئەنگىلىيەلىك بىر بويتاق ئانا، 35 يىل ۋاقىت ئىچىدە جەمئى 150 نەپەر بالىنى بېقىۋالغان. ئۇنىڭ بىلدۈرۈشىچە، ئۇنىڭغا غايەت زور سوممىلىق لاتارىيە مۇكاپاتى چىقىدىغان ئىش بولسىمۇ، بۇ قىممەتلىك كەچمىشلىرىنى ئالماشتۇرۇشنى خالىمايدىكەن.
   ئەنگىلىيەلىك بۇ ئانىنىڭ ئىسمى ئەندىي.شىد بولۇپ، ئېيتىلىشلارغا قارىغاندا، ئەندى ئۇ بالىلارنى بېقىۋىلىش جەريانىدا ئۆزىنى ناھايىتى بەختلىك ھېس قىلىدىكەن؛ گەرچە ئۇلارنىڭ تۇرمۇشىغا بەزىبىر تۇرمۇش ھەلەكچىلىكلىرى سەۋەبىدىن كىلىپ چىققان تالاش-تارتىشلار يۇشۇرۇنغان بولسىمۇ، ئەمما تېخىمۇ كۆپ بولغىنى يەنىلا خۇشاللىق كۈلكىلىرى ئىكەن.

   خەۋەرلەردە دېيىلىشىچە، ئىلگىرى توي تۇرمۇشى بۇزۇلۇپ ۋەيران بولغان، ئۆزى ئۈچ بالا تۇغقان بۇ قالتىس ئايال، ئۆتمۈشتىكى 35يىل ئىچىدە، جەمئى 150 نەپەر ياردەمگە مۇھتاج بالىنى بېقىۋالغان.
   بۇ يىل 74ياشقا كىرگەن ئەندىي، 1985-يىلدىن باشلاپ مەخسۇس ئۇزۇن مۇددەتلىك بېقىۋىلىش خىزمىتى بىلەن مەشغۇل بولغان بولۇپ، ئۇ بېقىۋالغان بالىلارنىڭ يېشى 13ياشتىن 21ياشقىچە ئوخشاش ئەمەس ئىكەن.
   ئەندىينىڭ دېيىشىچە، ئۇ بېقىۋالغان بالىلارنىڭ سانى 80دىن ئېشىپ كەتكەندىن كېيىن، ئۇ سان ھېسابلاشنى توختاتقان. لېكىن ئەڭ يېڭى سىتاستىكىلىق سانلىق مەلۇماتلاردا كۆرسىتىلىشىچە، بۇ سان ئاللىبۇرۇنلا 150تىن ئېشىپ كەتكەن، لېكىن ئەندىيغا نىسبەتەن بولسا، بۇ رەقەملەر ئۇنچە مۇھىم بىلىنمىگەن.

   ئۆتمۈشتىكى 30نەچچە يىل ئىچىدە، ئۇنىڭ ئۆيىدە ھەمىشە نۇرغۇنلىغان بالىلار ياشىغان بولۇپ، ئۆي ئىچى ۋاراڭ-چۇرۇڭ ۋە خۇشاللىق كۈلكىلىرىگە تولغان كېلەتتى. ئەندىينىڭ بىلدۈرۈشىچە، بالىلارنى باقماق گەرچە ئوڭاي ئەمەس بولسىمۇ، ئەمما ئۇ ئىزچىل تۈردە، بەك كۆپ قائىدە تۈزۈم تۈزۈپ بالىلارنىڭ تەرەققىياتىنى چەكلەپ قويۇشتىن ساقلىنىشتا چىڭ تۇرغان.
   ئىككى يىل ئىلگىرى، ئۇ ئىلگىرى ئۇنىڭ ئۆيىدە تۇرغان بىر بالىنىڭ توي مۇراسىمىغا قاتناشقان. گارىي ئۇنىڭ ئۆيىگە كەلگەن ۋاقىتتا ئاران 14ياش بولۇپ، 18ياشقا توشقاندىن كېيىن ئاندىن ئايرىلغان.