ۋايلد.سىڭ ئىسىملىك بۇ سۇ كالىسى، بۇ يىل 11ياشقا كىرگەن، ئېغىرلىقى 1143كىلوگىرام كېلىدۇ؛ ئۇ بەلكىم دۇنيادىكى ئەڭ ئەتىۋارلىق سۇ كالىسى بولۇشى مۇمكىن. خەۋەرلەرگە ئاساسلانغاندا، ئامېرىكا تېكساس شىتاتىدىكى بىر جۈپ ئەر-خوتۇن—60ياشلىق روننىي بىلەن 44ياشلىق شېررون.بۇرايىد، 2014-يىلى ئۆزلىرى بېقىۋاتقان 52تۇياق سۇ كالىسىنىڭ ھەممىنى سېتىۋەتكەندىن كېيىن، بۇ سۇ كالىسىنى سېتىۋالغان ھەمدە ئۇنىڭغا "ئالاھىدە مۇئامىلە" قىلىپ بېقىشنى باشلىغان.

   ئەر-خوتۇن ئىككەيلەن، ۋايلد.سىڭنى ئۆي ئىچىدە تۇرۇشقا ئورۇنلاشتۇرغان ھەمدە ئۇنىڭ ئۈچۈن ئايرىم بىر ئېغىز "ھوجۇر ئۆي" تەييارلاپ بىرىپ، ئۇنىڭغا كىنو قويۇپ بەرگەن ۋە بىر ئۈستەلدە بىللە تاماق يېگەن، ئۇنى خۇددى ئۆز بالىسىنى باققاندەك ئەتىۋارلاپ باققان.

   شېرروننىڭ بىلدۈرۈشىچە، ۋايلد.سىڭنى ئۆي ئىچىگە ئورۇنلاشتۇرۇپ بېقىشنى ئۇ ئوتتۇرىغا قويغان بولۇپ، ئۇنىڭ قارىشىچە، ۋايلد.سىڭنىڭ ئۆمرىمۇ پەقەت بىرلا قېتىمدا كىلىدىكەن، شۇڭا ئۇنىڭغا باشقا كالىلارنىڭكىگە ئوخشىمايدىغان بىر "كالىلىق ھايات" بىرىشنى ئۈمىد قىلىدىكەن.

   روننىينىڭ ئېيتىشىچە، ۋايلد.سىڭنى بېقىش، مەلۇم نۇقتىدىن ئېلىپ ئېيتقاندا ئېيىق باققاندىنمۇ بەكرەك خەتەرلىك ئىكەن؛ چۈنكى ئۇنىڭ گەۋدىسى بەك چوڭ بولغاچقا، سەللا ئېھتىيات قىلماي قالسا، ئادەمنى دەسسەپ ئۆلتۈرۈپ قويۇشى مۇمكىن ئىكەن.