گومەن، تۇرمۇشىمىزدا كۆپ ئۇچرايدىغان قولايلىق يېمەكلىك ماتېرىيالىنىڭ بىرى بولۇپ، ئادەتتە تاماق تەييارلاش خوشياقمىغان ۋاقىتتىكى يامان ئەمەس تاللاش ھېسابلىنىدۇ. بۈگۈن كۆپچىلىكنىڭ دىققىتىگە، گومەننىڭ نەچچە خىل يىيىش ئۇسۇلىنى تونۇشتۇرۇپ ئۆتىمىز.

   خام ماتېرىيال: گومەن، قارىمۇچ، ئىستېمال مېيى، تۇز، ئاچچىقسۇ، كۈنجۈت مېيى، غولپىياز، قارا قېرىنقولاق، قىزىلمۇچ، قىيزا
تەييارلاش ئۇسۇلى
   1. قازانغا ماي قۇيۇپ قىزىتقاندىن كېيىن، غولپىيازنى سېلىپ قورۇپ تەم چىقىرىمىز.
   2. قىيزىنى سالىمىز.
   3. تەم پۇرىقى چىققاندىن كېيىن مۇۋاپىق مىقداردا سۇ قۇيىمىز.
   4. سۇ قايناپ چىققاندىن كېيىن، چوكا بىلەن قوچۇپ ئارىلاشتۇرىمىز.
   5. قارا قېرىنقولاقنى سېلىپ چوڭ ئوتقا ئالماشتۇرۇپ قايناتقاندىن كېيىن، گومەننى سېلىپ پىشۇرىمىز.
   6. چىنىدىن بىرگە ئاچچىقسۇ، شىڭچوۋ جىياڭيۇسى، تۇز، قارىمۇچ، قىزىلمۇچ، غولپىياز مايسىسى، كۈنجۈت مېيى قوشۇپ تەكشى ئارىلاشتۇرىمىز.
   7. تەييارلىغان قىيامنى قازانغا قۇيۇپ تەكشى ئارىلاشتۇرغاندىن كېيىن ئوتنى ئۆچۈرۈپ ئۇسۇپ ئالساق بولىدۇ.
 

   خام ماتېرىيالى: گومەن، غولپىياز مايسىسى، شىڭچوۋ جىياڭيۇسى، ئاق شېكەر، ئىستېمال مېيى
تەييارلاش ئۇسۇلى
   1. غولپىياز مايسىسىنى يۇيۇپ پاكىزلىغاندىن كېيىن ئۇششاق توغرايمىز.
   2. قازاندا سۇ قاينىتىپ، گومەننى سېلىپ پىشۇرىمىز.
   3. گومەن پىشىپ بولغۇچە، چىنىدىن بىرگە بىر قۇشۇق شىڭچوۋ جىياڭيۇسى، يېرىم  قۇشۇق ئاق شېكەر قوشىمىز.
   4. پىشقان گومەننى چىنىگە سۈزۈپ ئېلىپ، ئۈستىگە غولپىياز مايسىسىنى سېپىمىز.
   5. قازاندا ئازراق ماي قىزىتىپ، ئۈستىگە قۇيۇپ ئارىلاشتۇرساقلا تەييار بولىدۇ.
 

   خام ماتېرىيالى: گومەن، پەمىدۇر، تۇخۇم، ئۆسۈملۈك مېيى، سامساق، تۇز، غولپىياز مايسىسى
تەييارلاش ئۇسۇلى
   1. پەمىدۇرنى توغراپ تەييارلايمىز.
   2. قازاننى قىزىتىپ، توغراپ تەييارلىغان سامساقنى سېلىپ قورۇپ تەم چىقىرىمىز.
   3. پەمىدۇرنى قازانغا سېلىپ قورۇيمىز.
   4. مۇۋاپىق مىقداردا سۇ قۇيۇپ قاينىتىمىز.
   5. سۇ قايناپ چىققاندىن كېيىن گومەننى سالىمىز.
   6. گومەن سەككىز ئۈلۈش پىشقاندىن كېيىن، ئازراق تۇز قوشىمىز.
   7. تۇخۇمنى چېقىپ قوچىغاندىن كېيىن قازانغا قۇيىمىز؛ تۇخۇم قايناپ قاتقاندىن كېيىن ئوتنى ئۆچۈرۈپ، ئۈستىگە غولپىياز مايسىسى سېپىۋەتكەندىن كېيىن ئۇسۇپ ئالساقلا بولىدۇ.