ھېندىستاننىڭ يېڭى دېھلىدا، ئۆزگىچە بىر ساتىراچ ئۇستام بار بولۇپ، بۇ يىل 48ياشقا كىرگەن بۇ ساتىراچ ئۇستام—نازىم.ئالى، ئۆزگىچە بىر خىل چاچ ياساش ئۇسۇلىنى كەشىپ قىلغان؛ يەنى، ئۇ خېرىدارلارنىڭ چېچىنى ياساشتا قايچا ئىشلەتمەيدۇ، بەلكى ئوتتا كۆيدۈرۈپ ياسايدۇ.

   نازىم ئۆزىنىڭ بۇ ساتىراچخانىسىنى ئاچقىلى 27يىل بولغان. ئۇ خېرىدارلارنىڭ بېشىغا ئاسانلا كۆيىدىغان تالقانسىمان ماددا ۋە نامەلۇم سويۇقلۇق قۇيۇپ، كەينىدىن چاقماق بىلەن خېرىدارنىڭ بېشىغا ئوت ياقىدۇ ھەمدە قولى بىلەن خېرىدارنىڭ چېچىنى ھەر خىل شەكىللەرگە كىرگۈزۈپ ياسايدۇ؛ بۇ خىل ئۇسۇل قارىماققا ناھايىتى خەتەرلىك بولسىمۇ، ئەمما ئۇنىڭ خېرىدارلىرى، بېشىدا ئوت كۆيگەنلىك تۇيغۇسىنى ھېس قىلالمايدۇ.

   نازىمنىڭ بۇ خىل غەلىتە چاچ ياساش ئۇسۇلى، ئۇنىڭ تىجارىتىنىڭ ناھايىتى روناق تېپىپ كېتىشىگە سەۋەبچى بولغان؛ نۇرغۇن كىشىلەر ئۇنىڭ نامىنى ئاڭلاپ، ئۇنىڭ ساتىراچخانىسىغا چاچ ياساتقىلى كەلگەن. نازىم ھەر كۈنى تەخمىنەن ئون بەشتەك خېرىدارنىڭ چېچىنى ياساپ قويىدىغان بولۇپ، ھەر بىر قېتىملىق چاچ ياساش ئۈچۈن، خەلق پۇلىدا 27يۈەن ھەق ئالىدىكەن.