چاۋمىفىن، نۇرغۇن كىشىلەر ياقتۇرۇپ ئىستېمال قىلىدىغان تائام بولۇپ، بولۇپمۇ ياش قىزلار تولىمۇ ياخشى كۆرىدۇ. بۈگۈن كۆپچىلىكنىڭ دىققىتىگە، ئائىلىدە چاۋمىفىن تەييارلاشنىڭ ئاددىي ئۇسۇلىنى تونۇشتۇرۇپ ئۆتىمىز.
   كىتەرلىك ماتېرىيال: مىفىن(米粉)، تۇخۇم، يوۋبەسەي، سەۋزە، قىيزا، جىياڭيۇ، ئاچچىقسۇ، قارىمۇچ، غولپىياز، سامساق
تەييارلاش ئۇسۇلى
   1. مىفىننى ئىلمان سۇغا 4-3سائەت چىلاپ قويغاندىن كېيىن، سۈزۈپ ئېلىپ سوغۇق سۇغا چىلاپ ئىشلىتىشكە تەييار قىلىپ قويىمىز.
   2. يۇۋبەسەينى يۇغاندىن كېيىن توغراپ تەييارلايمىز؛ غولپىياز مايسىسى ۋە سامساقلارنى چاناپ تەييارلايمىز.

   3. تۇخۇمنى چېقىپ قوچۇپ تەييارلايمىز؛ سەۋزىنى قەلەمچە قىلىپ توغرايمىز؛ قىيزىنى نىپىز ياپراقچە ھالىتىدە توغرايمىز.
   4. قازانغا ماي قۇيۇپ قىزىتقاندىن كېيىن، تۇخۇمنى سېلىپ قاتۇرغاندىن كېيىن سۈزۈپ ئېلىۋالىمىز.
   5. قازانغا قايتىدىن ماي قۇيۇپ، غولپىياز مايسىسى ۋە سامساق چانالمىسىنى سېلىپ تەم چىقىرىمىز؛ كەينىدىن چاۋمىفىننى سېلىپ چوڭ ئوتتا ئارىلاشتۇرۇپ قورۇيمىز؛ قاتۇرغان تۇخۇمنى  قازانغا تۆكۈپ، قازانغا يەنە شېڭچوۋ جىياڭيۇسى، قارىمۇچ، يۇۋبەيسەي قاتارلىقلارنى سېلىپ قورۇيمىز؛ مىفىن قورۇلۇپ يۇمشىغاندىن كېيىن ئۇسۇپ ئالساق بولىدۇ.