ئالما ئاچچىقسۈيىنى كۆپرەك ئىستېمال قىلغاندا، ئۈچەي يوللىرى ھەزىم قىلىش سېستىمىسىنى ياخشىلاپ، ئىشتىھانى ئاچىدۇ، يەنە تېخى كالتسىي تولۇقلاپ يەللىك بوغۇمنىڭ ئالدىنى ئالىدۇ.

   ھازىر بازاردا سېتىلىۋاتقان ئالما ئاچچىقسۈيىنىڭ باھاسى قىممەت، قەنت تەركىبى يۇقىرى بولۇپ، ھەمىشە ئىستىمال قىلىمىز دېسەك، ئادەتتىكى ئىقتىسادىي شارائىتتا بەرداشلىق بىرىش تەسكە توختايدۇ.

   ئەمەلىيەتتە، ئۆزىمىز ئۆيدە ئالما ئاچچىقسۈيى تەييار قىلىشمۇ، ئۇنچە بەك تەس ئىش ئەمەس.

   بەش جىڭ ئالما سېتىۋىلىپ، يۇيۇپ قۇرىغاندىن كېيىن ياپراقچە قىلىپ توغرىۋالىمىز.

   ئوخشاشلا يۇيۇپ پاكىزلاپ قۇرۇتقان ئەينەك قاچىنىڭ تىگىگە 300گىرام ناۋات سېلىپ، كەينىدىن ياپراقچە قىلىپ توغرىغان ئالمىنى ئۈستىگە قويىمىز؛ ئالما ياپراقچىسىنى تىزىپ 5سانتىمىتىر بولغاندا يەنە بىر قەۋەت ناۋات سېپىۋىتىمىز.

   مۇشۇ بويىچە قايتىلىپ، ئەينەك قاچىنىڭ ئېغىزىغا 10-8سانتىمىتىر قالغىچە تولدۇرىمىز.

   كەينىدى، قاچا ئىچىگە ئىستېمالغا ئىشلىتىدىغان 9گىرادوسلۇق ئاق ئاچچىقسۇ قوشۇپ، قاچا ئېغىزىغا 5سانتىمىتىر قالغۇچە توشقۇزىمىز ھەمدە ئېغىزىنى ھىم ئىتىپ تەسكەي بولغان نورمال تىمپىراتۇرىلىق ئورۇندا ئۈچ ئاي قويۇپ قويىمىز.

   بۇ ۋاقىتتا تەييار بولغان ئالما ئاچچىقسۈيىنىڭ قويۇقلۇقى يۇقىرى بولۇپ، 10-5ھەسسە سۇ قوشۇپ سۇيۇلدۇرۇش لازىم بولىدۇ. ھەر كۈنى ئەتىگەندە 20مىللىلىتىر ئالما ئاچچىقسۈيىگە 200مىللىلىتىر سۇ قوشۇپ ئىچىپ بەرسەك، بەدەندىكى ئەخلەتلەرنى تازىلاپ سىزنى تېخىمۇ ساغلام قىلىدۇ.