گازىر، ئومۇمى خەلقنىڭ ھەممىسى ياقتۇرۇپ ئىستىمال قىلىدىغان بىر خىل ئۇششاق يېمەكلىك؛ بولۇپمۇ كەچلىرى ئۆيدە ئارام ئالغاچ تېلىۋىزور كۆرگەن ۋاقىتتا، بىر ئائىلە كىشىلىرى بىللە ئولتۇرۇپ گازىر چېقىش، كىشىلىك ھاياتتىكى ئەڭ بەختلىك مىنۇتلارنىڭ بىرى ھېسابلىنىدۇ.  لېكىن، ئادەتتە گازىر سېتىۋالغاندا دىققەت قىلمىسىڭىز، ناچار سۈپەتلىك گازىر سېتىۋىلىپ قالىسىز؛ بۇنىڭدا، تەم تۇيغۇسىغا تەسىر يىتىپلا قالماي، بەخت تۇيغۇ دەرىجىسىمۇ تۆۋەنلەپ كېتىدۇ.

   ئادەتتە، تۆۋەندىكى نەچچە خىل گازىرنى سېتىۋىلىشقا بولمايدۇ!
قەغەز ئورالما ياكى پىلاستىر خالتىغا قاچىلاپ سىرتتا قويۇپ قويغان گازىر
   بەزى گازىر ساتىدىغانلار، قولايلىق بولۇش ئۈچۈن گازىرنى قەغەز قاپ ياكى پىلاستىر خالتىغا قاچىلاپ قويىدۇ؛ لېكىن، بۇنداق گازىر ئۇزۇن ۋاقىت سىرتتا ھاۋا بىلەن ئۇچرىشىپ تۇرسا، گەرچە سىرتىدا قەغەز ياكى پىلاسىتىر ئوراغلىق بولسىمۇ، ئەمما سىرتقى يۈزىگە توپا چاڭ دېگەنگە ئوخشاش مەينەت نەرسىلەر يېپىشىۋالىدۇ. شۇڭا گازىر سېتىۋالغاندا، ئىمكان بار ئېغىزى ھىم ئىتىلگەن ئورالمىغان قاچىلانغان گازىرنى تاللاپ سېتىۋىلىش كېرەك.

پۇرىقى كۈچلۈك گازىر
   بەزىدە گازىرنى تېخىمۇ تەملىك قىلىش ئۈچۈن، گازىرغا ھەر خىل تەمدىكى قوشۇندى ماددىلارنى قوشۇپ قورۇيدۇ؛ مەسىلەن، مەن ئادەتتە نىسبەتەن تۇزلۇقراق قورۇلغان گازىر چېقىشنى ياخشى كۆرىمەن. بىز بۇنداق گازىلارنى پۇرىغان ۋاقتىمىزدا، بىزگە يىنىك خۇشپۇراق پۇرايدۇ؛ لېكىن بەزى گازىرلارنىڭ پۇرىقى ئىنتايىن قۇيۇق بولۇپ ھەم غەلىتە بولۇپ، بەزىلىرىدە ھەتتا بۇرنىمىزنى غىدىقلايدىغان پۇراقلار بار بولىدۇ، بۇنداق گازىردا چوقۇم بىنورمال مەسىلە بار، شۇڭا سېتىۋالماسلىق لازىم.

قولدا ئۇۋۇلىساق رەڭ ئۆڭىدىغان ياكى سىرتقى پوستى ئاسانلا ئۇۋۇلۇپ كېتىدىغان گازىر
   بىز سېتىۋالماقچى بولغان گازىرنى قولىمىزدا يىنىك ئۇۋۇلاپ باقساق، ئادەتتە نورمال گازىرنىڭ رەڭگى تولغان كېلىدۇ، قايتا-قايتا ئوۋۇلىساقمۇ رەڭگى ئۆڭۈپ كەتمەيدۇ؛ بۇندىن باشقا، سۈپىتى ياخشى گازىر، بىز ئۇۋۇلىغان ۋاقىتتا تاشقى پوستى ئۇۋۇلۇپ كەتمەي ساق ھالەتتە قالىدۇ.

   ئەگەر سىرتقى پوستى ئاسانلا ئۇۋۇلۇپ كەتسە، ئۇنداقتا بۇ گازىرنىڭ ساقلىنىش ۋاقتىنىڭ بەك ئۇزىراپ كەتكەنلىكى قاتارلىق سەۋەبلەردىن بولۇپ، بۇنداق گازىرنى سېتىۋىلىشقا بولمايدۇ.