ئايال كىشىگە نىسبەتەن، ئەگەر ھامىلدارلىق بىر قېتىملىق ئەڭ گۈزەل ساياھەت بولۇپ ھېسابلانسا، ئۇنداقتا بالا بېقىش، ئۇلارغا نىسبەتەن بىر قېتىملىق چېنىقىش بولۇپ ھېسابلىنىدۇ.
   يېڭى تۇغۇلغان بالىسىنى بېقىش جەريانىدا، ئاياللار توختىماستىن بالا ئىمىتكەندىن باشقا، يەنە ھەر كۈنى بالىسىنى بەزلەپ ئۇخلىتىش جەريانىنى قايتىلىمىسا بولمايدۇ. ئۇزۇن ۋاقىت ئۇيقۇسى يىتەرلىك بولماسلىق ۋە تۇغۇتتىن كېيىنكى ھورمۇن سەۋىيەسى ئۆزگىرىشنىڭ تەسىرىدىن، نۇرغۇن يېڭى ئانا بولغۇچىلار چارچاپ ھالىدىن كېتىدۇ.

   لېكىن، بالا تۇغۇلغاندىن كېيىن، ئەر-خوتۇنلار قانداق ئۇخلاش كېرەك بولىدۇ؟ بۇ ھەقتە، توي تۇرمۇشى مۇتەخەسسىسلىرى تۆۋەندىكىدەك تەكلىپنى بىرىدۇ.
   ئەر-خوتۇنلار ئۆي ئايرىپ ئۇخلاش ئوتتۇرىلىقتىكى مۇھەببەتنى سۇسلاشتۇرىدۇ
   ئەر-خوتۇنلار ئارىسىدا، زىددىيەتلىشىپ جىدەللىشىپ قېلىشتىن ساقلانغىلى بولمايدۇ. ئەمەلىيەتتە، جىدەللىشىشنىڭ يامان ئىش بولۇشى ناتايىن؛ جىدەللىشىش، ئەر-خوتۇنلار ئارىسىدىكى پىكىرلىشىشنىڭ بىر خىل ئۇسۇلى. كونىلارنىڭ گېپى بويىچە ئېيتقاندا، ناگاندا بىر گەپ تالىشىپ جىدەللىشىپ قويسا، تۇرمۇشنى تېخىمۇ مەنىلىك قىلىشقا بولىدىكەن. لېكىن، ئەگەر جىدەللىشىپ قالغاندىن كېيىن ۋاقتىدا يارىشىپ قالماي، جىدەللىشىشنى سوغۇق مۇناسىۋەتلەر ئۇرۇشىغا ئايلاندۇرۋالساق، ئۇنداقتا ئەر-خوتۇنلارنىڭ مۇناسىۋىتىگە ۋە مۇھەببىتىگە تەسىر يىتىدۇ. ئەر-خوتۇنلارغا نىسبەتەن ئېيتقاندا، كارىۋات ئۇلارغا ئورتاق تەئەللۇق بولغان خۇسۇسىي بوشلۇق بولۇپ، ئەگەر ئەر-خوتۇنلار بالا سەۋەبىدىن كارىۋات ئايرىپ ئۇخلىسا، ئۇلارنىڭ ئوتتۇرىلىقتىكى مۇھەببەتنىڭ سۇسلىشىپ كېتىشىگە سەۋەبچى بولۇپ قېلىشى مۇمكىن.

ئەر-خوتۇنلار ئۆي ئايرىپ ئۇخلاش، دادىنىڭ بالا بېقىشقا قاتنىشىش دەرىجىسىنى تۆۋەنلىتىۋىتىدۇ
   شۇنى ئېتىراپ قىلماي تۇرالمايمىزكى، كۆپ قىسىم ئائىلىلەردە، دادا ئىقتىسادى مەسئۇلىيەتنى ئۆز ئۈستىگە ئالغان بولۇپ، بالا بېقىش مەسئۇلىيىتى ئانىنىڭ زىممىسىگە يۈكلەنگەن.
  لېكىن بالىغا نىسبەتەن ئېلىپ ئېيتقاندا، دادىسى بىلەن بىللە تۇرغان ۋاقىت ئەڭ قىممەتلىك ھېسابلىنىدۇ. ئۇخلاشتىن بۇرۇنقى ۋاقىت، بىر كۈن ئالدىراش ئۆتكەن دادا بىلەن بالا ئوتتۇرىسىدىكى بىللە تۇرىدىغان چەكلىك ۋاقىت بولۇپ، بۇنداق ئەھۋالدا ئەگەر ئەر-خوتۇنلار ئۆي ئايرىپ ئۇخلايمىز دېسە، دادا بىلەن پەرزەنت ئوتتۇرىسىدىكى پىكىر ئالماشتۇرۇش ۋە ئۆز-ئارا يېقىنلىشىش ئۇزۇن ۋاقىت كەمچىل بولۇپ، بالىدا دادا مۇھەببىتى كەمچىل بولۇشنى كەلتۈرۈپ چىقىرىدۇ ھەمدە بۇ سەۋەبلىك بالىنىڭ مىجەز-خاراكتېرىنىڭ يېتىلىشىگە تەسىر يەتكۈزىدۇ.