ئادەم ئەتىگەندە ئۇيقۇدىن يېڭى ئويغانغان ۋاقىتتا، بەدەندىكى قان ئايلىنىش نىسبەتەن ئاستا بولۇپ، ئادەم بەدىنى ئۇخلىغان ۋاقىتتىكى "توسۇپ چەكلەش" ھالىتىدىن ھاياجانلىنىش ھالىتىگە ئۆتۈشكە، بەلگىلىك بىر جەريان لازىم بولىدۇ. ئەگەر ئۇيقۇدىن ئويغانغاندىن كېيىن دەرھال كىيىمىزنى كىيىپ يۈزلىرىمىزنى يۇيۇپ ئالدىراش بولۇپ كەتسەك، بۇ ۋاقىتتا ناۋادا بەدىنىمىز تېخى ماسلىشىپ بولالمىسا ھەم قان ئايلىنىش يەنىلا نىسبەتەن ئاستا ھالەتتە تۇرسا، بۇ ۋاقىتتا ئوكسىگېن ۋاقتىدا چوڭ مېڭىگە يەتكۈزۈلمەي، ئاسانلا باش قېيىش قاتارلىق بىئاراملىق ئەھۋاللىرى كۆرۈلىدۇ؛ ئوتتۇرا ياش ۋە ياشانغانلاردا بولسا، يەنە ئاسانلا يۈرەك مېڭە قان تومۇرلىرى تاساددىپىي ئەھۋاللىرى كۆرۈلۈپ قالىدۇ.

ئۇيقۇدىن ئويغىنىپلا كىچىك تەرەت قىلماسلىق
   ئەگەر ئۇيقۇدىن ئويغىنىپلا ئورنىمىزدىن تۇرۇپ ھاجەتكە ئولتۇرساق، كۆپىنچە بېشىمىز قېيىپ قالىدۇ. چۈنكى، ئادەم ئۇخلىغان ۋاقىتتا، بەدەننىڭ مىتابولىزىم سەۋىيىسى تۆۋەنلەپ يۈرەك سوقۇش ئاستىلايدۇ ھەمدە قان بېسىممۇ تۆۋەنلەيدۇ، ھەر تۈرلۈك فىزىلوگىيەلىك ئىقتىدارلارنىڭ ئايلىنىشى ئاستا بولىدۇ. بۇ ۋاقىتتا تويۇقسىز بىراقلا كارىۋاتتىن چۈشۈپ ھاجەتكە ئولتۇرساق، دوۋساق تېز سۈرئەتتە قۇرۇقدىلىپ، ئاسانلا قان بېسىمى چۈشۈپ كىتىشنى كەلتۈرۈپ چىقىرىدۇ ھەمدە بۇ سەۋەبلىك چوڭ مېڭىگە ۋاقىتلىق قان يېتىشمەسلىكنى پەيدا قىلىپ، كىچىك تەرەت قىلىش خاراكتېرلىك ھوشىدىن كېتىشنى كەلتۈرۈپ چىقىرىدۇ.
ئۇيقۇدىن ئويغىنىپلا ناشتا قىلماسلىق
   بىر كىچىلىك ئۇيقۇدىن كېيىن، ئادەم سەھەر ۋاقتىدا بىر خىل "يېرىم ئويغاق يېرىم ئۇيقۇلۇق" ھالەتتە تۇرىدۇ؛ ئەتىگەن ۋاقىتتا، شۆلگەي ۋە ئاشقازان سۇيۇقلۇقىنىڭ ئاجرىلىپ چىقىش مىقدارى نىسبەتەن ئاز بولۇپ، ئون نەچچە مىنۇت، ھەتتا يېرىم سائەتتىن كېيىن ئاندىن نورمال سەۋىيىگە قايتىدۇ. ئەگەر ئۇيقۇدىن ئويغىنىپلا دەرھال ناشتا قىلساق، بولۇپمۇ بەزىبىر ئاسان ھەزىم بولمايدىغان يېمەكلىكلەرنى ئىستىمال قىلساق، ھەزىم قىلىش ناچارلىشىشنى كەلتۈرۈپ چىقىرىدۇ. بۇندىن باشقا، ئۇيقۇدىن ئويغىنىپلا بەك كۆپ ھەم بەك تېز سۇ ئىچىشكىمۇ بولمايدۇ، سۇنى ئاستاغىنا ئىچسەك بەدەنگە تېخىمۇ پايدىلىق.

   يۇقارقى ئىككى نۇقتىدىن باشقا، ئەتىگىنى ئۇيقۇدىن ئويغانغاندىن كېيىنلا قاتتىق ھەرىكەت قىلىشقىمۇ بولمايدۇ.