راك كېسەللىكى، ھەمىشە ئىنسانلار ساغلاملىقىغا تەسىر يەتكۈزىدىغان "باش جىنايەتچى" دەپ قارىلىپ كەلمەكتە. راك كېسەللىكى تىلغا ئېلىنسا، كىشىلەر ئىنتايىن قورقۇپ كېتىدۇ. لېكىن شۇنى تونۇپ يىتىشىمىز كېرەككى، راك كېسەللىكى تويۇقسىزلا پەيدا بولۇپ قالمايدۇ، بەلكى تۇرمۇشتىكى كىچىك ئىشلاردىن ئالدىن كۆرۈپ يەتكىلى بولىدۇ.

   كۈندىلىك تۇرمۇشتا، كىشىلەرنىڭ تاماق يىيىش ھالىتىدىن، راك كېسەللىكى خەۋىپى بار يوقلۇقىغا ھۆكۈم قىلىشقا بولىدۇ.
   كىشىلەردە تۆۋەندىكى نەچچە خىل ئىپادىلەر كۆرۈلگەن ۋاقىتتا، بىز بۇنىڭغا قارىتا دىققىتىمىزنى قوزغىشىمىز لازىم.
تۇيۇقسىزلا ئىشتىھا تۇتۇلۇش
   نۇرغۇن كىشىلەر، ئادەتتە ئىشتىھاسى ناھايىتى ياخشى كېلىدۇ، لېكىن تۇيۇقسىز بىر كۈنلەردە ئىشتىھايىڭىز تۇتۇلۇپ بىر نەرسە يىيىشنى خالىمايدىغان بولۇپ قالسىڭىز ھەمدە بەدىنىڭىزدە ماغدۇرسىزلىنىش كۆرۈلسە، بۇ ۋاقىتتا ھوشيارلىقنى ئۆستۈرۈش كېرەك. ئاشقازان راكى، جىگەر راكى قاتارلىقلارنىڭ ھەممىسىدە ئىشتىھا تۇتۇلۇشتەك ئەھۋال كۆرۈلىدۇ.
كۆرۈنەرلىك دەرىجىدىكى ياندۇرۇش ئالامىتى
   كىشىلەرنىڭ تونۇشىدا، پەقەت ھامىلدار ئاياللارلا بىرەر نەرسە يېگەن ۋاقىتتا قۇسۇپ ياندۇرىدىغان كېلىدۇ. لېكىن، ئەگەر ئادەتتىكى بىر ئادەمدىمۇ، نورمال ئۇزۇقلىنىش جەريانىدا كۆرۈنەرلىك دەرىجىدىكى ياندۇرۇش ئالامەتلىرى كۆرۈلسە، بۇ بەلكىم راك كېسەللىكىنىڭ ئالدىنقى ئالامەتلىرى بولۇشى مۇمكىن.

يۇتۇش تەسكە توختاش
   نۇرغۇن كىشىلەر، گېلى ئاغرىپ قالغان ۋاقىتتا يېمەكلىكلەرنى يۇتالماي قالىدۇ؛ بۇنداق ئەھۋالنى چىقىرىۋەتكەندىن كېيىن، ئەگەر نورمال ئەھۋال ئاستىدىمۇ يېمەكلىكلەرنى يۇتۇش قىيىن ئەھۋال كۆرۈلسە، ھەتتا كۆكرەك سۆڭەكنىڭ ئارقىسىغا بىر نەرسە تۇرۇپ قالغاندەك تۇيغۇ پەيدا بولسا، ئۇنداقتا، بۇ بەلكىم يۇتقۇنچاق راكىنىڭ ئالامىتى بولۇشى مۇمكىن.
قورساق قىسىم كۆپۈش
   كىشىلەر تاماق يېگەن ۋاقىتتا، تۇيۇقسىزلا قورساق قىسىمىدا ئاغرىش ئالامىتى كۆرۈلسە، بۇ بەلكىم ھەزىم قىلىش يولى كەلتۈرۈپ چىقارغان بىئارامچىلىق بولۇشى مۇمكىن بولۇپ، ئاشقازان راكى ياكى ئاشقازان ئاستى بېزى راكى بىلەن مۇناسىۋەتلىك بولۇشى مۇمكىن.