كىتەرلىك ماتېرىيال: نىلوپەر غولى، جىياڭيۇ، تۇز، تېتىتقۇ، غولپىياز مايسىسى، زەنجىۋىل، سامساق
تەييارلاش ئۇسۇلى
   1. نىلوپەر غولىنىڭ پوستىنى سويىۋىتىپ پاكىزە يۇغاندىن كېيىن، قايناقسۇدا 5مىنۇت قاينىتىمىز.
   2. نىلوپەر غولىنى نېپىزرەك توغراپ، جىياڭيۇ ۋە تۇز قوشۇپ ئارىلاشتۇرىمىز.
   3. سامساقنى ئۇششاق چاناپ توغرايمىز؛ غولپىياز مايسىسىنى كىچىك بۆلەك ھالىتىدە توغرايمىز.
   4. نىلوپەر غولىنى قاچىدىن بىرنىڭغا سېلىپ، ئۈستىگە توغراپ تەييارلىغان غولپىياز مايسىسى ۋە سامساق چانالمىسىنى قوشۇپ ئارىلاشتۇرىمىز.
   5. قازاندا ئازراق ماي قىزىتىپ، ئارىلاشتۇرۇپ تەييار قىلغان نىلوپەر غولىنىڭ ئۈستىگە قۇيۇپ ئارىلاشتۇرىۋەتسەكلا، بۈگۈنكى سوغۇق تەملەشتۈرۈلگەن نىلوپەر غولى تەييار بولغان بولىدۇ.
 

   كېتەرلىك ماتېرىيال: دۇفۇ قېقى، تەرخەمەك، سامساق، غولپىياز مايسىسى، قىزىلمۇچ، ئىستېمال مېيى، شىڭچوۋ جىياڭيۇسى، كۈنجۈت مېيى
تەييارلاش ئۇسۇلى
   1. تەرخەمەكنى پاكىزە يۇيۇپ، توغراپ ياكى ئۇرۇپ پارچىلاپ تەييارلايمىز.
   2. دۇفۇ قېقىنى سۇدا 10مىنۇت چىلاپ قويغاندىن كېيىن، سۇدا قاينىتىۋىلىپ، سۈزۈپ سۈيىنى پاكىزە ساقىتىۋىتىمىز.
   3. تەرخەمەك بىلەن دۇفۇ قېقىنى تەخسىگە سېلىپ، تۇز، سامساق چانالمىسى، قىزىلمۇچ قاتارلىقلارنى قوشۇپ تەكشى ئارىلاشتۇرىمىز.
   4. ئاخىرىدا، كۈنجۈت مېيى، شىڭچوۋ جىياڭيۇسى قاتارلىقلارنى قوشۇپ قايتا ئارىلاشتۇرىۋەتكەندىن كېيىن ئىستېمال قىلساق بولىدۇ.

    كېتەرلىك ماتېرىيال: لامنارىيە(海带丝)، سامساق، شېكەر، ئاچچىقسۇ، شىڭچوۋ جىياڭيۇسى، كۈنجۈت مېيى
تەييارلاش ئۇسۇلى
   1. لامنارىيەنى يۇيۇپ پاكىزلاپ، قىسقىراق ھالەتتە توغرايمىز، سامساقنى چاناپ تەييارلايمىز.
   2. كىچىك قاچىدىن بىرنى ئېلىپ، قاچىغا شىڭچوۋجىياڭيۇسى، كۈنجۈت مېيى، ئاق شېكەر قاتارلىقلارنى قوشۇپ ئارىلاشتۇرىمىز.
   3. قازانغا سۇ قۇيۇپ قايناتقاندىن كېيىن، لامنارىيەنى سېلىپ پىشۇرىمىز.
   4. لامنارىيەنى سۈزۈپ ئېلىپ، قاچىغا سېلىپ سۇۋۇتقاندىن كېيىن، ئۈستىگە ئالدىدا تەڭشىگە قىيامنى ۋە سامساق چانالمىسىنى قوشىمىز.
   5. تەكشى ئارىلاشتۇرۇپ، غولپىياز مايسىسىنى سېپىۋىتىپ تەخسىگە ئۇسۇپ ئالساق بولىدۇ.