1. مۇھەببەت بولسا سىرلىق بىر كۈچ، ئۇ ئادەمنى قەيەردە يېقىلسا شۇ يەردىن قوپالايدىغان قىلىدۇ.
   2. ئەر كىشى ئايال كىشىنى قوغلىشىشتا، پەقەت ئەر كىشى بوشىشىپ قالمىسىلا، ئاخىرىدا چوقۇم قولغا كەلتۈرەلەيدۇ؛ ئايال كىشى ئەركىشىنى قوغلاشقاندا بولسا، پەقەت ئەر كىشى خالىمىسىلا، ئايال كىشى چوقۇق قولغا كەلتۈرەلمەيدۇ. چۈنكى، ئەرلەر نىسبەتەن يۈزى قېلىن، باغرى قاتتىق كېلىدۇ، ئايال كىشى بولسا دەل ئەكسىچە بولىدۇ.
   3. ئاياللارنىڭ ئەرلەرگە بولغان مۇھەببىتى، كۆپىچنە چوقۇنۇشتىن باشلىنىدۇ.

   4. ئەر-خوتۇن ئىككى تەرەپ، بىر-بىرىنى ئۆزگەرتىشكە كۈچىمەي، قارشى تەرەپكە ماسلىشىشقا تىرىشىشى كېرەك. شۇنىڭ ئۈچۈن، توي قىلىشتىن ئىلگىرى قارشى تەرەپكە ماسلىشالايدىغان ياكى ماسلىشالمايدىغانلىقىمىزنى ياخشى ئويلىشىپ، ئەگەر ماسلىشالمايدىغاندەك بولساق، يەنىلا توي قىلمىغان ياخشى.
   5. ئەگەر پۇلنى ھەممىدىن بەك ئەلا بىلىدىغان، پۇلغا بەك ئامراق ئادەم بولمىسىڭىزلا، ھەرگىز سىزگە قارىغاندا پۇلى كۆپ ئايال كىشى تاپماڭ؛ بىرلا ۋاقىتتا، ئۇنىڭ سىزنى ياراتماسلىقىغا بەرداشلىق بىرىشكە كۆزىڭىز يەتمىسە، ئوقۇش تارىخى ئۆزىڭىزنىڭكىدىن يۇقىرى بولغان ئايال كىشىنىمۇ تاپماڭ.

   6. مۇھەببەت تەبىئىي بولىدۇ، بىر كۆرۈپلا ئاشىق بولۇپ قېلىش پۈتۈنلەي مۇمكىن؛ لېكىن، ھەرگىز ئۆزلىكىدىن ئۇزۇنغىچە ساقلىنىپ بارمايدۇ. توي تۇرمۇشى بولسا، ئەر-خوتۇن ئىككى تەرەپنىڭ توختىماستىن تىرىشىشى ۋە سىرتقى دۇنيانىڭ ھەر خىل چەكلىمىلىرى سەۋەبىدىن، تۇراقلىشىدۇ.
   7. پەقەت ئەر-خوتۇنلار ئارىسىدىكى مۇھەببەت تۇققانلىق مېھىرىگە ئۆزگەرگەن ۋاقىتتىلا، توي تۇرمۇشىنى ئاندىن توي تۇرمۇشى دېيىشكە بولىدۇ، مۇناسىۋەتمۇ ئاندىن مۇقىملىشىدۇ.
   8. بىر ئايال كىشى، بىر ئەركىشىنىڭ ئايالى بارلىقىنى ئېنىق بىلىپ تۇرۇپمۇ يەنە ئۇنىڭ بىلەن يالغۇز ھالدا باردى-كەلدى قىلىشنى خالىسا، ئۇنىڭ ئەسلى مەقسىتى قانداق بولۇشتىن قەتئىنەزەر، ئۇ ھامان بىر كۈنى قارشى تەرەپنىڭ ئۇزۇن مۇددەتلىك ياكى قىسقا مۇددەتلىك ئاشنىسىغا ئايلىنىپ قالىدۇ.

   9. ئايال كىشى ساھىبجامال ھىيلىسى ئىشلەتسە، نورمال ئەرلەرنىڭ ھەممىسى توزاق ئىكەنلىكىنى بىلىپ تۇرۇپمۇ ئىچىگە سەكرەيدۇ.
   10. ئەرلەرنىڭ تالاغا قارىشى، كۆپىنچە ئۆزىگە ئىشەنچ ۋە ھاياجانلىق تۇيغۇسى ئىزدەش ئۈچۈن بولىدۇ، كۆپىنچىسى بۇ سەۋەبلىك ئائىلىسىنى بۇزۇشنى خالىمايدۇ. لېكىن ئايال كىشى بولسا، يا ئۇنىڭ نەزەرىدىكى ئاتالمىش مۇھەببەت ئۈچۈن، ۋە ياكى مەلۇم بىر خىل مەنپەئەتكە ئېرىشىش ئۈچۈن بولىدۇ ھەمدە ھەرقانداق ئەھۋال ئاستىدا ئەسلىدىكى ئائىلىسىدىن ۋاز كېچىشى مۇمكىن بولىدۇ.