ئادەم بەدىنى ئومۇمى بىر گەۋدە، لېكىن ھەر بىر "زاپچاس"لارنىڭ قېرىشقا باشلاش جەريانىدا ئىلگىرى كىيىنلىك بار. مۇتەخەسسىسلەر تەتقىقات ئېلىپ بېرىش ئارقىلىق، ئادەم بەدىنىنىڭ قېرىشقا باشلاش ۋاقتىنى خۇلاسىلاپ چىققان بولۇپ، تېزدىن كېلىپ ئۆزىڭىزنىڭ قايسى باسقۇچتا تۇرىۋاتقانلىقىڭىزنى كۆرۈپ بېقىڭ!
ئۆپكە: 20ياش
     ئۆپكە ئىقتىدارى 20ياشتىن باشلاپ ئاجىزلىشىشقا باشلايدۇ، 40ياشقا كىرگەندىن كېيىن، يول ماڭسىمۇ ھاسىرايدىغان بولۇپ قالىدۇ؛ بۇنىڭدىكى بىر قىسىم سەۋەب، نەپەس ئېلىشنى كونترول قىلىدىغان مۇسكۇل ۋە قۇۋۇرغا سۆڭەك قاتماللىشىپ، ئۆپكىنىڭ نورمال خىزمىتىنى توسقۇنلۇققا ئۇچراتقانلىقىدىن بولىدۇ.

   تاقابىل تۇرۇش ئۇسۇلى: تاماكا چىكىش، ئۆپكىنىڭ قېرىشقا باشلىشىنى كەلتۈرۈپ چىقىرىدىغان بىرىنچى ئامىل بولۇپ، تاماكا چىكىدىغان ئادەم ئەڭ ياخشىسى تاماكا تاشلىشى كېرەك؛ ئىككىنچىدىن چېنىقىش كۆپرەك بولۇش لازىم، بولۇپمۇ ئۆپكە ھاۋا سىغىمىنى ئاشۇرىدىغان چېنىقىشلارنى كۆپرەك ئېلىپ بارماق لازىم.

ئۈچىنچىدىن، ھاۋا ساپ بولغان جايلارغا كۆپرەك بېرىپ تۇرۇش. تۆتىنچىدىن، ئۆپكىگە پايدىلىق نەشپۈت قاتارلىق مېۋە-كۆكتاتلارنى كۆپرەك ئىستىمال قىلماق لازىم.

يۈرەك: 40ياش
   ئادەمنىڭ يۈرۈكى، 40ياش ئەتراپىدىن باشلاپ قېرىشقا باشلاپ، پۈتۈن بەدەنگە قان يەتكۈزۈش ئۈنۈمى تۆۋەنلەيدۇ ھەمدە قان تومۇر دىۋارىنىڭ ئېلاستىكىلىقى تۆۋەنلەپ ئارىتىرىيە قېتىشىدۇ ۋە بۇ سەۋەبلىك ئاسانلا ياغلارنىڭ تاجىسىمان ئارتىرىيە قان تومۇرلىرىدا يېغىلىپ قېلىشىنى كەلتۈرۈپ چىقىرىدۇ.

   تاقابىل تۇرۇش ئۇسۇلى: ھەرىكەتلىنىش كۆپرەك بولۇش كېرەك. ئامېرىكا ھارۋاد داشۆسى تىبابەت شۆيەنىدىكى تەتقىقاتچىلار ئېلان قىلغان ماقالىدە كۆرسىتىلىشىچە، ھەرىكەتلىنىش، فىزىلوگىيەلىك خاراكتېردىكى يۈرەك ئۆسۈشنى پەيدا قىلىپ، يۈرەكنىڭ ياخشىلاش ئىقتىدارىنى كۈچەيتىدۇ.
بۆرەك: 50ياش
    50ياشقا يەتكەندە، ئادەمنىڭ بۆرىكى قېرىپ ئاجىزلىشىشقا باشلاپ، سۈيدۈك تۇتۇپ تۇرۇش ئىقتىدارى ناچارلىشىپ، ئەرلەرنىڭ مەزى بېزىدا ئۆسۈپ قېلىش مەسىلىنى كۆرۈلۈشكە باشلايدۇ.

   تاقابىل تۇرۇش ئۇسۇلى: سۇنى كۆپ ئىچىش، ھەر كۈنى ئاز دېگەندىمۇ 8ئىستاكان سۇ ئىچىپ بىرىش؛ يېمەكلىكنى مۇۋاپىق تەڭشەپ، ئۇزۇقلۇقنىڭ تەڭپۇڭ بولۇشىغا كاپالەتلىك قىلىش لازىم. ئادەتتە، بەل قىسىمنى كۆپرەك ئۇۋۇلاپ بەرسەك بولىدۇ.
جىگەر: 70ياش
    جىگەر، ئادەم بەدىنىدىكى پۈتكۈل قېرىش جەريانىغا رىقابەت ئېلان قىلالايدىغان بىردىنبىر ئەزا بولۇپ، قايتا تۇغۇلۇش ئىقتىدارى ئىنتايىن كۈچلۈك، شۇنداقلا ھەم، ەبدەندىكى ئەڭ ئاخىرىدا قېرىيدىغان ئەزادۇر.