جۇۋاۋا، كۆپ قىسىم كىشىلەر ياقتۇرۇپ يەيدىغان يېمەكلىك بولۇپ، مەيلى كۈدە قىيمىلىق بولسۇن ياكى گۆش پىياز قىيمىلىق بولسۇن، بىزنىڭ تاماق ئۈستىلىمىزدىكى دائىملىق ھەمراھتۇر. ئۇنداقتا، سىز قارا قېرىنقولاقتا قىيما قىلىپ جۇۋاۋا يەپ باققانمۇ؟ بۈگۈن كۆپچىلىكنىڭ دىققىتىگە، قارا قېرىنقولاقتا تەييارلانغان قىيمىدىن جۇۋاۋا تۈگۈپ تەييارلاش ئۇسۇلىنى تونۇشتۇرىمىز.

   كىتەرلىك ماتېرىيال: قارا قېرىنقولاق، قوي گۆشى، كۈدە، تۇخۇم، تۇز، كاۋاۋىچىن، پىياز مېيى، ئۇن
تەييارلاش ئۇسۇلى
   1. قارا قېرىنقولاقنى ئىلمان سۇغا چىلاپ كۆپتۈرگەندىن كېيىن، ئۇششاق چاناپ توغراپ ۋە ئازراق پىياز مېيى ئارىلاشتۇرۇپ قويۇپ قويىمىز.
   2. قوي گۆشىنى قىيما قىلىپ توغراپ، چاناپ توغرالغان زەنجىۋىل ۋە غولپىياز، جىياڭيۇ، تۇز قاتارلىقلارنى قوشۇپ ئارىلاشتۇرۇپ، 30مىنۇت قويۇپ قويىمىز.
   3. تەييارلىغان بارلىق ماتىرىياللارنى ئارىلاشتۇرۇپ، ئۈستىگە ئازراق كاۋاۋىچىن، پىياز مېيى قوشۇپ قىيما تەييارلايمىز.
   4. مۇۋاپىق مىقداردا ئۇن ئېلىپ، تۇز ۋە تۇخۇم قوشۇپ خېمىر يۇغۇرىمىز. خېمىرنى ئازراق ۋاقىت قويۇپ تىندۇرغاندىن كېيىن، يېيىپ جىلىت تەييارلايمىز.
   5. جۇۋاۋا جىلىتى تەييارلاپ بولغاندىن كېيىن، جۇۋاۋا تۈگۈپ پىشۇرساقلا بولىدۇ.