قانداق قىلغاندا، ۋاقىت قىس بولغان ئەتىگەنلىك ۋاقىتتا، ئۇزۇقلۇق تولۇقلايدىغان ناشتىلىق تەييارلىغىلى بولىدۇ؟ تۇسى بولكىسى ئاسان ھەزىم بولىدۇ ھەمدە تېز سۈرئەتتە بىزگە ئېنىرگىيە يەتكۈزىدۇ؛ بۇندىن باشقا، تەييارلىماق ئاسان بولغاچقا، ناشتىلىققا ئەڭ ماس كېلىدۇ.

   خام ماتېرىيالى: ئالما، سۇ، شېكەر، تۇسى بولكىسى، نېپىز توغرالغان ئۈرۈك مېغىزى
تەييارلاش ئۇسۇلى

   1. ئالمىنى پاكىزە يۇغاندىن كېيىن ئۇرۇغىنى ئېلىۋىتىمىز.

   2. ئالمىنى نىپىز توغراپ قازانغا سالغاندىن كېيىن، ئۈستىگە 100گىرام سۇ ۋە 5گىرام شېكەر قوشىمىز.

   3. ئوتتۇرا ھال ئوتتا قازاننى قاينىتىپ، قايناپ چىققاندىن كېيىن 30 سىكونت داۋاملىق قاينىتىپ ئوتنى ئۆچۈرىمىز.

   4. تۇسى بولكىسىنى يايغۇدا يىنىك بېسىپ يېيىلتىمىز.

   5. ئالمىنى تۇسى بولكىسىنىڭ ئۈستىگە تىزىپ چىقىمىز.

   6. توغرالغان ئۈرۈك مېغىزى تىزىپ چىقىمىز.

   7. تەييارلىغان تۇسى بولكىنى، ئالدىنئالا قىزىتىپ تەييارلىغان دوخوپكىغا سېلىپ، ئۈستى 200گىرادوس، ئاستى 150گىرادوس ئوتتا قاقلاپ پىشۇرىمىز.