بالىڭىز ھامبۇرگ بولكىسى يەيمەن دېسە، ئۇنىڭغا بازاردىن ئېلىپ بىرىشنىڭ ھاجىتى يوق، ئۆيدىمۇ تەييار قىلالايسىز!

   كېتەرلىك ماتېرىيالى: موما، گۆش قىيمىسى، تۇخۇم

تەييارلاش ئۇسۇلى
   1. گۆشنى ئۇششاق قىيما قىلىپ توغراپ، ئۈستىگە پىياز، سامساق، تۇز، مۇۋاپىق مىقداردا جىياڭيۇ ۋە قارىمۇچ قوشۇپ ئارىلاشتۇرۇپ تەييارلايمىز؛ ئارىلاشتۇرغان ۋاقىتتا، چوقۇم بىرلا يۆنىلىشكە قارىتىپ ئارىلاشتۇرۇپ، ئۇنى موما تەييارلىغانغا ئوخشاش يۇمىلاقلىغاندىن كېيىن، بېسىپ يۇمىلاق توقاچ ھالىتىگە ئەكىلىمىز.

   2. مومىنى نىپىز قىلىپ كىسىمىز ھەمدە سىرتقى يۈزىدىكى بىر قەۋەت پوستىنى سويىۋىتىمىز. تۇخۇمنى قاچىغا چېقىپ، ئارىلاشتۇرۇپ تەييارلايمىز.

   3. كىسىپ تەييارلىغان مومىنى تۇخۇم سۇيۇقلۇقىغا چىلاپ ئالغاندىن كېيىن، داغلاش قازىنىغا(داغلاش قازىنى بولمىسا، ئاستى تۈز ئادەتتىكى قازان ئىشلەتسىڭىزمۇ بولىدۇ) سېلىپ كىچىك ئوتتا ھەر ئىككى يۈزى سارغايغىچىلىك داغلايمىز.

   4. قىيمىنىمۇ داغلاش قازىنىغا سېلىپ، كىچىك ئوتتا ئاستا-ئاستا داغلايمىز، ھەر ئىككى يۈزى سارغايغان ھەمدە پىشقاندىن كېيىن قازاندىن ئالساق بولىدۇ.