1. "كۆزنى بىر نۇقتىدىن ئۈزمەي قاراش"تىن ساقلىنىش، كۆزىمىزنى چىمچىقلىتىش ھەرىكىتىنىڭ توختاپ قالماسلىقىغا ۋە مۇۋاپىق چاستوتىنى ساقلىشىغا دىققەت قىلىشىمىز كېرەك. ھەمىشە كۆزنى چىمچىقلىتىپ بەرگەندە، كۆز قارىچۇقىنىڭ ھاۋا بىلەن ئۇچرىشىش ۋاقتىنى قىسقارتىپ، ياش سۇيۇقلۇقىنىڭ ھورغا ئايلىنىپ كېتىشىدىن ساقلايدۇ.

   2. ھاۋا تەڭشىگۈچ ئاستىدا ئۇزۇن تۇرماسلىق ھەمدە ئولتۇرغان ئورۇنغا يېقىن يەرگە سۇ قويۇپ قويماق لازىم؛ بۇنىڭدا، ئەتراپتىكى مۇھىتنىڭ نەملىك دەرىجىسىنى ئاشۇرغىلى بولىدۇ.

   3. ھەر خىل مىۋىلەرنى، بېلىق ۋە تۇخۇم تۈرى ۋە يېشىل كۆكتاتلارنى كۆپرەك ئىستىمال قىلىش كېرەك. سۇنى كۆپرەك ئىچىشمۇ كۆزنىڭ قۇرغاقلىشىپ كېتىشىنىڭ ئالدىنى ئالىدۇ.

   4. ياخشى تۇرمۇش ئادىتىنى ساقلاپ، يىتەرلىك ۋاقىت ئۇخلاشقا دىققەت قىلىش، كىچىسى ئۇخلىماي قېلىشتىن ساقلاش.

   5. كومپىيوتىردا ئۇزۇن ۋاقىت ئۇدا مەشغۇلات ئېلىپ بېرىشتىن ساقلىنىش، ئارىلىقتا دەم ئېلىشقا دىققەت قىلىش كېرەك؛ ئادەتتە، بىر سائەت ئۇدا مەشغۇلات ئېلىپ بارغاندىن كېيىن، 10-5مىنۇت دەپ ئېلىش لازىم. دەم ئالغاندا يىراقلارغا قاراپ بەرسەك ياكى كۆز گىمناستىكىسى ئويناش لازىم.

   6. ياخشى خىزمەت ھالىتىنى ساقلاش كېرەك. مۇۋاپىق بولغان ئولتۇرۇش ھالىتىنى ساقلىساق، بويۇن قىسىم مۇسكۇللارنى بوشىتىشقا ۋە كۆز قارىچۇقىمىزنىڭ ھاۋا بىلەن بىۋاستە ئۇچرىشىش يۈزىنى ئەڭ تۆۋەن چەككە چۈشۈرۈشكە بولىدۇ.

   7. ئېكران بىلەن بولغان ئارىلىقنى تەڭشەش. بۇنىڭدا، تەۋسىيەلىك ئارىلىق 70-50سانتېمىتىر بولۇپ، گورزىنتال يۆنىلىش بويىچە كۆزىمىزنىڭ ئالدى تەرەپ يۆنىلىشتىن 20-15گىرادوس پەسكە قارىغان بولۇشى كېرەك. بۇنىڭدا، كۆزنىڭ چارچاش نىسبىتىنى تۆۋەنلىتىشكە بولىدۇ.