دىئابىت كېسەللىكىگە(قەنت سىيىش كېسەللىكى) گىرىپتار بولغاندىن كېيىن، دورا ئىچىشتىن باشقا ئەڭ مۇھىم بولغىنى، يېمەك-ئىچمەكنى كونترول قىلىش بولۇپ، قانچىلىك يىيىش، قايسى ۋاقىتتا يىيىش ۋە نېمىلەرنى يىيىش دېگەنلەرنىڭ ھەممىسى، ھەر كۈنى دېگۈدەك دىئابىت كېسەللىكى بىمارلىرىنىڭ تۇرمۇشىغا تەسىر يەتكۈزۈپ تۇرىدۇ. ئادەتتە، دىئابىت كېسەللىكى تۆۋەندىكى تائاملاردىن قورقىدىغان بولۇپ، بۇ رىسالە بويىچە ئۇزۇقلانسىڭىز،قېنىڭىزنىڭ قەنت مىقدارى مۇقىم تۇرىدۇ.

   خام ماتېرىيالى: 30گىرام ئالقات، 200گرام چار خەمەك(苦瓜)
تەييارلاش ئۇسۇلى
   1. ئالقاتنى پاكىزە يۇغاندىن كېيىن سۇغا چىلاپ قويىمىز؛
   2. چار خەمەكنى پاكىزە يۇغاندىن كېيىن قەلەمچە قىلىپ توغراپ، ئۈستىگە ئازراق تۇز قوشۇپ تەكشى ئارىلاشتۇرۇپ، ئازراق ۋاقىت قويۇپ تۇزلايمىز؛
   3. چار خەمەكنى تۇزلاپ بولغاندىن كېيىن، قازانغا ماي قۇيۇپ قىزىتىپ، ئالدى بىلەن غولپىياز مايسىسى سېلىپ قورۇپ تەم چىقىرىمىز؛ كەينىدىن ئالقات بىلەن چار خەمەكنى بىللە سېلىپ قورۇيمىز.
   4. چار خەمەك پىشاي دېگەندە، ئۆزىمىزنىڭ تەم خاھىشىغا ئاساسەن تەم خۇرۇچلىرىنى قوشۇپ تەم تەڭشىگەندىن كېيىن ئۇسۇپ ئالساق بولىدۇ.

   خام ماتېرىيالى: 250گىرام چار خەمەك، 200گىرام دۇفۇ
تەييارلاش ئۇسۇلى
   1. چار خەمەكنى ياپراقچە قىلىپ توغرايمىز؛ دۇفۇنى مۇۋاپىق چوڭ-كىچىكلىكتە توغرايمىز.
   2. قازانغا ماي قۇيۇپ قىزىتقاندىن كېيىن، ئاۋۋال چار خەمەكنى سېلىپ قورۇيمىز؛
   3. تۇز ۋە غولپىياز مايسىسى قاتارلىق خۇرۇچ ماتېرىياللىرىنى قوشىمىز.
   4. ئۈستىگە سۇ قۇيغاندىن كېيىن، دۇفۇنى سېلىپ بىللە دۈملەپ پىشۇرساقلا بولىدۇ.

   خام ماتېرىيالى: 150گىرام دۇفۇ قېقى، 250گىرام پالەك
تەييارلاش ئۇسۇلى
   1. دۇفۇ قېقىنى قايناقسۇغا سۇغا چىلاپ ئازراق ۋاقىت دۈملەپ قويغاندىن كېيىن، سۈزۈپ ئېلىپ سۈيىنى قۇرۇتۇپ سوۋىتىمىز.
   2. سوۋۇتقاندىن كېيىنكى دۇفۇ قېقىنى بۆلەك ھالىتىدە توغراپ قاچىغا سالىمىز؛ ئۈستىگە تۇز قوشۇپ تەكشى ئارىلاشتۇرىمىز.
   3. پالەكنى يۇيۇپ پاكىزلاپ، قايناقسۇغا بېسىپ پىشۇرغاندىن كېيىن، سۈزۈپ ئېلىپ سۇۋۇتىمىز.
   4. پالەك سۇۋۇغاندىن كېيىن بۆلەك ھالىتىدە توغراپ، دۇفۇ قېقى بىلەن ئارىلاشتۇرۇپ تەخسىگە ئالساق بولىدۇ.