بەلكىم سىزمۇ ئەجەبلىنىشىڭىز مۇمكىن، نېمىشقا ئاشخانا-رېستورانلاردىكى سوغۇق سەيلەر شۇنچە تەملىك چىقىدۇ، ئەمما ئۆيدە سوغۇق سەينى ئۇ خىل تەمدە تەملەشتۈرەلمەيمىز؟ بۇنىڭدىكى مەسىلە، ئاساسلىقى يەنىلا تەملەشتۈرۈش ئۇسۇلىدا. بۇ سەۋەبلىك، بۈگۈن كۆپچىلىكنىڭ دىققىتىگە، ھەر قانداق سوغۇق سەي تەملەشتۈرۈشكە ئوخشاش ماس كېلىدىغان قىيام تەييارلاش ئۇسۇلىنى تونۇشتۇرۇپ ئۆتىمىز.

   بىرىنچى قەدەمدە ماتېرىيال تەييارلايمىز: سامساق تەييارلاپ، ئۇششاق چاناپ توغرايمىز؛ كىچىك ئۇچلۇق قىزىلمۇچنى قىسقا قىسقا بۆلەك ھالىتىدە توغرايمىز؛ غولپىيازنى چەمبەر شەكىلدە توغرايمىز؛ يۇمغاقسۈتنى قىسقا بۆلەك ھالىتىدە توغراپ تەييارلايمىز.

   ئىككىنچى قەدەمدە، چوڭراق چىنىدىن بىرنى تەييارلاپ، تۆت قوشۇق قىزىلمۇچ تالقىنى، ئىككى قوشۇق ئاق كۈنجۈت، بىر قوشۇق قارىمۇچ ۋە ئالدىدا چاناپ تەييارلىغان سامساقنى قوشۇپ تەكشى ئارىلاشتۇرىمىز.

   ئۈچىنچى قەدەمدە، قازاندا ماي قۇيۇپ، يەتتە ئۈلۈش قىزىغاندىن كېيىن، چىنىگە تۆكۈپ سامساقنىڭ تەمىنى چىقىرىمىز؛ كەينىدىن ئۈستىگە 20گىرام شىڭچۇۋ جىياڭيۇسى، 10گىرام ئاچچىقسۇ، 5گىرام تۇز قوشىمىز ھەمدە تەكشى ئارىلاشتۇرۇپ تۇزنى تولۇق ئىرىتىمىز.