تۇرۇپنى نىپىز ياپراقچە ھالىتىدە توغراپ، شىكەر سۈيىگە 8-7سائەت چىلاپ قويغاندىن كېيىن، ئۈستىگە مۇۋاپىق مىقداردا شىڭچۇۋ جىياڭيۇسى، لاۋچۇۋ جىياڭيۇسى، ھەسەل، ئاچچىقسۇ، توخۇ تەم جەۋھىرى قاتارلىقلارنى ئارىلاشتۇرۇپ تەييارلىغان قىيامغا 8سائەت چىلاپ قويىمىز؛ تەملەشتۈرگەن ۋاقىتتا، ئازراق شېكەر، ئۇششاق چانالغان قىزىلمۇچ، كۈنجۈت مېيى، قىزىل ماي قاتارلىقلاردىن ئارىلاشتۇرۇپ تەخسىگە ئالساق بولىدۇ.
 

   1. تەرخەمەكنى يۇيۇپ پاكىزلىغاندىن كېيىن قەلەمچە قىلىپ توغرىۋالىمىز، ياكى خوڭگىنى بىۋاستە چەيدو بىلەن ئۇرۇپ ئىزىپ پارچىلىساقمۇ بولىدۇ.
   2. سامساقنى ئاقلاپ يۇيۇپ، ئۇششاق چاناپ توغرايمىز؛ كىچىك قىزىلمۇچنى ئۇششاق توغرىۋالىمىز.
   3. بىر چىنىگە مۇۋاپىق مىقداردا ئاچچىقسۇ، قىزىل ماي، جىياڭيۇ ۋە توخۇ تەم جەۋھىرى قوشۇپ، قىيام شەربىتى تەييارلىۋالىمىز.
   4. توغرالغان تەرخەمەك، سامساق، قىزىلمۇچ قاتارلىقلارنى تەخسىگە ئېلىپ، ئۈستىگە تەييار قىلغان قىيام شەربىتىنى تۆكىمىز.
   5. تەكشى ئارىلاشتۇرۇپ، 5-4مېنۇت قويۇپ قويغاندىن كېيىن ئىستىمال قىلساق بولىدۇ.
 

   1. دۇفۇ قېقى بىلەن قارا قېرىنقولاقنى ئالدىنئالا سۇغا چىلاپ قويىمىز.
   2. دۇفۇ قېقىنى تۇز قوشۇلغان قايناقسۇغا سېلىپ ئۈچ مېنۇت ئەتراپىدا پىشۇرغاندىن كېيىن، سۈزۈپ ئېلىپ سۇغۇق سۇغا 5-4 مېنۇت چىلاپ قويىمىز.
   3. قارا قېرىنقولاقنى قايناقسۇغا سېلىپ بىر ئىككى مىنۇت پىشۇرغاندىن كېيىن سۈزۈپ ئېلىۋالىمىز.
   4. قارا قېرىنقولاق بىلەن دۇفۇ قېقىنى تەخسىدىن بىرگە سېلىپ، ئۈستىگە سامساق چانالمىسى، يۇمغاقسۈت، قىزىلمۇچ قاتارلىقلارنى قوشىمىز ھەمدە مۇۋاپىق مىقداردا تۇز، قارىمۇچ، شىڭچوۋ جىياڭيۇسى، ئاچچىقسۇ، مۇچ مېيى ۋە كۈنجۈت قاتارلىقلارنى ئارىلاشتۇرۇپ تەكشى ئارىلاشتۇرغاندىن كېيىن ئىستىمال قىلساق بولىدۇ.