قىزىلگۈل بولسا بىر خىل ئۆسۈملۈك بولۇپ، گۈلىدە تائام تەييارلاشقا، گۈلقەنت پىشۇرۇشقا، ئاي توقاچ قىيمىسى قىلىشقا ئىشلىتىلىدۇ. بۈگۈن كۆپچىلىكنىڭ دىققىتىگە قىزىل گۈل شورۋىگۈرۈچى تەييارلاش ئۇسۇلىنى تونۇشتۇرۇپ ئۆتىمىز.

   خام ماتېرىيالى: گۈرۈچ، نومى گۈرۈچى، قىزىلگۈل، ھەسەل، چىلان، ئالقات، ناۋات
تەييارلاش ئۇسۇلى
   بىرىنچە قەدەمدە، شورپا قازىنىغا مۇۋاپىق مىقداردا سۇ قۇيۇپ ئوچاققا ئاسىمىز.

   ئىككىنچى قەدەمدە، گۈرۈچ، نومى گۈرۈچى، چىلان، ئالقات، قىزىلگۈل بەرگى قاتارلىقلارنى يۇيۇپ پاكىزلاپ، ئىشلىتىش ئۈچۈن تەييار قىلىمىز.
   ئۈچىنچى قەدەمدە، چىنىدىن ئىككىگە ئايرىم-ئايرىم ھالدا بەش قوشۇق ھەسەل ۋە بەش قوشۇق ناۋات سېلىپ تەييارلايمىز.
پىشۇرۇش ئۇسۇلى

   تۆتىنچى قەدەمدە، قازانغا ئوت يېقىپ سۇنى قايناتقاندىن كېيىن، گۈرۈچ بىلەن نومى گۈرۈچىنى سېلىپ يېرىم سائەت قاينىتىمىز؛ يېرىم سائەتتىن كېيىن چىلان ۋە قىزىلگۈل بەرگىنى سېلىپ 15مېنۇت قاينىتىمىز؛ كەينىدىن، ناۋات، ھەسەل، ئالقات قاتارلىقلارنى سېلىپ كىچىك ئوتتا بەش مىنۇت قاينىتىمىز(دىققەت، ھەر ۋاقىت قازانغا دىققەت قىلىپ، چۆمۈچتە مالتىلاپ تۇرىمىز.)؛ ۋاقىت توشقاندىن كېيىن ئوتنى ئۆچۈرىمىز.