باناننى سېتىۋېلىپ ۋاقتىدا يەپ تۈگىتىپ بولالمىساق، ئۇنىڭ پوستىدا قارا داغ پەيدا بولۇپ قالىدۇ؛ بۇ خىل داغنىڭ پەقەت بانانغىلا تەسىرى بار بولۇپ، ئادەم بەدىنىگە ھېچقانداق تەسىرى يوق، ئۇنىڭ ئۈستىگە پىشقان باناندا ئاندىن بۇنداق ئەھۋال كۆرۈلىدۇ. مۇنداقچە ئېيتقاندا، ئەگەر بانان پوستىدا ئىنچىكە قارامتۇل بېغىررەڭلىك داغلار پەيدا بولغان بولسا، بۇ باناننىڭ پۈتۈنلەي پىشقانلىقىنى بىلدۈرىدۇ؛ بۇنداق باناننىڭ تەمى ئەڭ ياخشى بولۇپ ھېسابلىنىدۇ.

   شۇنىڭ ئۈچۈن، بۇنداق پوستىدا قارامتۇل داغ پەيدا بولۇپ قالغان باناننى خاتىرجەم ئسىتېمال قىلىۋەرسىڭىز بولىدۇ، بۇ باناننى ئىستېمال قىلىشتىكى ئەڭ ياخشى ۋاقىت. لېكىن بۇنداق باناننىڭ بىر كەمچىلىكى بار، ئۇ بولسىمۇ ئۇزۇن ساقلىغىلى بولمايدۇ؛ ئەگەر باناندا قارامتۇل داغ كۆرۈلگەن بولسا، چوقۇم بىر ئىككى كۈن ئىچىدە يەۋىتىش كېرەك، بولمىسا ئاسانلا بۇزۇلۇپ قالىدۇ. بىراق، بەزىدە باناننىڭ پوستىدا كۆپ ئۆزگىرىش يوق، ئەمما ئىچىدىكى مىۋە ئېتى قارىداپ قالىدۇ، بۇ باناننىڭ بۇزۇلۇپ قالغانلىقىنىڭ ئالامەتلىرىنىڭ بىرىدۇر.

   بازاردا بەزى مېۋە سودىگەرلىرى، بۇ خىل بانانغا "كۈنجۈت بانان" دەپ نام قويۇۋالغان بولۇپ، ئۇنى بىر خىل ئالاھىدە سورت، تەمى بەك ياخشى دەپ ئاتىۋالىدۇ؛ بۇنداق گەپلەرنى ئاڭلاپ قويسىڭىزلا بولىدۇ، بىراق ھەرگىز راست دەپ ئويلاپ قالماڭ! بۇ پەقەت مېۋە سودىگەرلىرىنىڭ مېۋىنى سېتىپ چىقىرىش ئۈچۈن تېپىۋالغان گەپلىرىدۇر.