قورۇما قورىغاندا تېتىتقۇ قوشۇش، نۇرغۇن كىشىلەرنىڭ كۈندىلىك يېمەك-ئىچمىكىدىكى بىر خىل ئادىتى؛ چۈنكى تېتىتقۇ، قورۇمىنى تېخىمۇ تەملىك قىلىدۇ. لېكىن، بەزى قورۇمىلارغا تېتىتقۇ قوشۇشقا بولمايدۇ؛ بولمىغاندا، ئەسلىدىكى تەم كىرگۈزۈش ئۈنۈمىگە ئېرىشەلمەيلا قالماي، بەزىدە يەنە يېمەكلىكتىن زەھەرلىنىشنى كەلتۈرۈپ چىقىرىشى مۇمكىن.
گۆشلۈك قورىمىلارغا قوشۇشقا بولمايدۇ
   گۆش تۈرى تەركىبىدە ئەسلىدىلا گلۇتامىك كىسلاتا بار بولۇپ، قورۇما تەركىبىدىكى تۇز بىلەن ئۇچراشقاندىن كېيىن، تېتىتقۇنىڭ ئاساسلىق تەركىبى بولغان گلۇتامىك كىسلاتا ھاسىل قىلىدۇ. گۆش تۈرىدىن باشقا، دېڭىز مەھسۇلاتلىرى تۈرىدىكى قورىمىلارغىمۇ تېتىتقۇ قوشۇش بىھاجەت بولىدۇ.

ئاچچىقسۇ قوشۇلغان قورىمىلارغا قوشۇشقا بولمايدۇ
   ئاچچىقسۇ كۆپرەك قوشۇلغان قورىمىلارغا تېتىتقۇ قوشۇشقا بولمايدۇ. چۈنكى، تېتىتقۇ كىسلاتالىق مۇھىتتا ئاسان ئىرىمەيدۇ، ئۇنىڭ ئۈستىگە كىسلاتالىق دەرىجىسى قانچە يۇقىرى بولسا ئېرىشچانلىقى شۇنچە تۆۋەن بولىدۇ.
سوغۇق سەيلەرگە قوشۇشقا بولمايدۇ
   تېتىتقۇ، ئادەتتە 80-100سىلتسىيە گىرادوس ئەتراپىدا ئاندىن تەم كىرگۈزۈش رولىنى تولۇق جارى قىلدۇرالايدۇ. سوغۇق سەينىڭ بولسا تىمپىراتۇرا شارائىتى يۇقىرىقى تەلەپكە يېتەلمەيدۇ، بۇنداق ئەھۋالدا تەم كىرگۈزۈش رولىنى جارى قىلدۇرالمايلا قالماي، ئەكسىچە تېتىتقۇ بىۋاستە يېمەكلىك ماتېرىياللىرىغا چاپلىشىۋىلىپ سوغۇق سەي تەمىگە تەسىر يەتكۈزىدۇ. ئەگەر سوغۇق سەي تەييارلاش جەريانىدا تېتىتقۇ قوشۇش لازىم بولۇپ  قالسا، تېتىتقۇنىڭ ئاۋۋال ئازراق سۇدا ئېرىتكەندىن كېيىن ئاندىن قوشۇپ ئارىلاشتۇرۇش كېرەك.

قىيمىغا تېتىتقۇ قوشۇشقا بولمايدۇ
   نۇرغۇن كىشىلەر قىيما تەييارلىغان ۋاقىتتا تېتىتقۇ قوشۇۋىتىشنى ياخشى كۆرىدۇ، لېكىن بۇ ئۇسۇل ئىنتايىن بىخەتەر. تېتىتقۇ قىيمىغا قوشۇلغاندىن كېيىن، دۈملەش ياكى داغلاش، ۋە ياكى پىشۇرۇش قاتارلىق يۇقىرى تىمپىراتۇرىلىق جەرياننى باشتىن كەچۈرىدۇ؛ لېكىن قىزىقلىق 100سىلتىيسە گىرادوستىن ئېشىپ كەتسە، تېتىتقۇ تەركىبىدە ئۆزگىرىش يۈز بىرىپ، تەمىنى يوقىتىپلا قالماي، يەنە زەھەرلىك بولغان ناترى پروگلۇتامات شەكىللەندۈرۈپ، تەن ساغلاملىقىغا زىيان يەتكۈزىدۇ. شۇڭا، تېتىتقۇنىڭ قىيمىغا قوشۇشقا بولمايلا قالماستىن، ئادەتتە قورۇمىغا تېتىقۇ قوشقاندىمۇ، ئوتنى ئۆچۈرۈپ قورۇمىنى ئۇسسۇپ ئېلىش ئالدىدا ئاندىن قوشۇش كېرەك.