ئادەتتە، سەۋزىنى پولو ئەتكەندە ياكى شورپا سالغاندا ئىشلىتىمىز. بۈگۈن كۆپچىلىكنىڭ دىققىتىگە، سەۋزىنىڭ يەنە بىر خىل پايدىلىق يىيىش ئۇسۇلىنى تونۇشتۇرۇپ ئۆتىمىز؛ ئۇ بولسىمۇ سەۋزىنىڭ سەۋزە قوشۇپ شورۋىگۈرۈچ قاينىتىپ ئىچشتۇر. ھاۋانىڭ سوغۇق كۈنلىرىدە سەۋزە بىلەن گۈرۈچنى قاينىتىپ ئىچكسەك، ئاشقازاننى ئىللىتىش بىلەن بىرگە، كۆزنى روشەنلەشتۈرۈش ۋە ئۈچەي يوللىرىنى راۋانلاشتۇرۇش ئۈنۈمىگە ئېرىشكىلى بولىدۇ.

   كېتەرلىك ماتېرىيال: سەۋەزە، گۈرۈچ، شېكەر
تەييارلاش ئۇسۇلى
   ئالدى بىلەن گۈرۈچنى يۇيۇپ تەييارلايمىز.
   سەۋزىنىڭ پوستىنى ئاقلىۋىتىپ، يۇيۇپ پاكىزلىغاندىن كېيىن كىچىك بۇرجەكلىك ھالىتىدە توغراپ تەييارلايمىز.

   قازانغا مۇۋاپىق سۇ قۇيۇپ، سەۋزە بىلەن گۈرۈچنى سېلىپ، چوڭ ئوتتا يېرىم سائەت قاينىتىمىز. سەۋزە پىشىپ يۇمشىغاندىن كېيىن، كىچىك ئوتتا يەنە يېرىم سائەت قاينىتىمىز. تاتلىق يىيىشنى ياخشى كۆرسىڭىز، ئازراق شېكەر قوشۇۋەتسىڭىزمۇ بولىدۇ؛ بۇندىن باشقا يەنە، ئازراق ئالقات قوشۇپ قايناتسىڭىزمۇ بولىدۇ.

سەۋزە قوشۇلغان شورۋىگۈرۈچنىڭ ساغلاملىق قىممىتى
   سەۋزە، ئۇزۇقلۇق قىممىتى يۇقىرى بولغان بىر خىل يېمەكلىك بولۇپ، سەۋزە قوشۇلغان شورۋىگۈرۈچ، بەدەننى مول مىقداردا ۋىيتامىن، كاروتىن، ئامىنو كىسلاتالىرى ۋە مىنرالنى ئىلمىنتلار بىلەن تەمىنلەيدۇ. بۇ خىل شورۋىگۈرۈچنى ئارىلاپ-ئارىلاپ ئىچىپ تۇرساق، ئاشقازاننى ئىللىتىش ۋە ئاشقازان ئۆتنى ساغلاملاشتۇرۇش رولىنى ئوينايدۇ.