ئادەتتە، كىشىلەر ئۆپكىنى كۈنلۈككە ئوخشىتىدۇ؛ چۈنكى ئۇ، باشقا ئىچكى ئەزالىرىمىز ئۈچۈن "قار يامغۇرلارنى توسىدىغان توسۇق" بولۇپ ھېسابلىنىدۇ. لېكىن، ئۆپكىنىڭ يەنە بىر نامىمۇ بار بولۇپ، "ئەركە ئەزا" دەپمۇ ئاتىلىدۇ؛ چۈنكى، ئۇ ئېغىز بۇرۇن بىلەن بىۋاستە تۇتىشىدىغان بولغاچقا، ئاسانلا سىرتقى مۇھىتتىكى باكتېرىيە ۋىرۇس ۋە زەھەرلەرنىڭ بىۋاستە تەسىرىگە ئۇچرايدۇ.

   ئۆپكىنىڭ ساغلاملىقى، تەن ساغلاملىقىغا نىسبەتەن ئىنتايىن مۇھىم. ئۇنداقتا، ئۆپكىنىڭ ساغلام ياكى ئەمەسلىكىنى قانداق بىلىمىز؟
   ئۆپكىسى ياخشى ئەمەس ئادەمدە، تۆۋەندىكىدەك تۆت خىل ئالامەت كۆرىلىدۇ.
ھەمىشە ھۆتىلىدۇ
   ھۆتىلىش، كاناي ۋە نەپەسلىنىش يولىنى پاكىزە ساقلاشنىڭ مۇھىم ئۇسۇلى؛ شۇڭا، ناگاندا بىر ھۆتىلىپ قويۇش، نورمال بىر ئەھۋال. بىراق، ئەگەر ھەر دائىم توختىماي ھۆتەلسەك، ئۇنداقتا ئۆپكە قىسىمغا زەھەرلىك ماددىلارنىڭ بەك يېغىلىپ قالغان ياكى قالمىغانلىقىنى ئويلىشىش كېرەك بولىدۇ. ئەگەر توختىماي ھۆتەلگەن ۋاقىت ئۈچ ھەپتىگە يىتىپ قالسا، ئۇنداقتا، ئەڭ ياخشىسى ۋاقتىدا دوختۇرغا كۆرۈنۈپ، كېسەللىك ئۆزگىرىشى كۆرۈلۈشنىڭ ئالدىنى ئالماق لازىم.

چىرايى سۇلغۇن
   جۇڭيى تىبابىتىنىڭ قارىشىچە، ئۆپكە بىلەن تىرە ئۆز-ئارا باغلىنىشلىق بولۇپ، ئۆپكە ئادەتتە تىرىگە ئۇزۇقلۇق يەتكۈزىدىكەن ھەمدە ئەگەر ئۆپكە ئىقتىدارى ياخشى بولمىسا، ئادەمنىڭ چىرايىنىڭ سۇلغۇن بولۇپ قېلىشىنى كەلتۈرۈپ چىقىرىدىكەن.
   ئەگەر، ئۇزۇن بىر مەزگىل ئىچىدە، تىرىڭىزنىڭ ئۆڭۈپ نۇرسىز بولۇپ قالغانلىقىنى ۋە تۈك تۆشۈكچىلىرىنىڭ كېڭىيىپ قالغانلىقىنى بايقىسىڭىز، بۇ بەلكىم ئۆپكىنىڭ زەئىپلىشىشكە باشلىغانلىقىنىڭ ئالامىتى بولۇشى مۇمكىن.

كەيپىيات خامۇشلىشىش
   ئۆپكە ئىقتىدارى تۆۋەنلەپ كەتسە، ئادەم بەدىنىدىكى قان ئايلىنىشنىڭ ئاستىلاپ كېتىشىنى كەلتۈرۈپ چىقىرىپ، كۆكسى سىقىلىش تۇيغۇسى پەيدا قىلىدۇ.
   ئەگەر، ھەمىشە بىر خىل خامۇشلۇق ھېس قىلىپ، كۆپ ئەندىشە قىلىدىغان بولۇپ قالسىڭىز، ئۆپكىڭىزنىڭ ئىقتىدارىنىڭ تۆۋەنلەپ كەتكەنلىكىدىن ياكى زەخمىلەنگەن بولۇشىدىن ئېھتىيات قىلىشىڭىز كېرەك.