ھازىر ئاپتوماتىك پۇل ئېلىش ماشىنىسىدىن نەخ پۇل ئالماقچى بولساق، بانكا كارتىسى كەتمەيدۇ؛ ئۇنداقتا نېمە كېتىدۇ؟ سىز پەقەت، ئاپتوماتىك پۇل ئېلىش ماشىنىسىدىكى كامىراغا قاراپ بىرنى كۈلۈپ قويسىڭىزلا، ماشىنا سىزگە پۇلنى چىقىرىپ بىرىدۇ. چىراي تۇنۇتۇپ بانكىدىن نەخ پۇل ئاجرىتىش، ھازىر خام خىيال ئەمەس، ھازىرقى نۇرغۇنلىغان بانكا تىجارەت زاللىرىدا، بۇ خىل چىراي تونۇتۇپ نەخ پۇل ئاجرىتىدىغان ماشىنىلارنى كۆرەلەيسىز.

   ئەگەر سىز بانكا كارتىڭىزنى يېنىڭىزغا سېلىۋالمىغان بولسىڭىز، ئۇنداقتا بۇ خىل ماشىنىنى ئىزدەپ تېىپىپ، چىرايىڭىزنى تونۇتۇپلا بىۋاستە نەخ پۇل ئاجرىتىپ ئالالايسىز. بۇ جەرياندا ھېچقانداق باشقا نەرسە كەتمەيدۇ، پەقەت چىرايىڭىز يېنىڭىزدا بار بولسىلا بولىدۇ، 30سىكونت ئىچىدە نەخ پۇل ئېلىش مەشغۇلاتىنى تاماملىيالايسىز؛ بىراق، بۇ سىستىما تېخى تولۇق مۇكەممەللىشىپ بولالمىغان بولغاچقا، نۆۋەتتە پەقەت 3000يۈەنلا ئاجرىتىپ ئالالايسىز.

   ئىلگىرى، iPhoneX چىراي تونۇتۇپ قۇلۇپنى ئېچىش دەۋرىنى باشلىغان، ھازىر بانكىلارمۇ چىراي تونۇتۇپ نەخ پۇل ئاجرىتىپ ئېلىشنى يولغا قويدى؛ قارىغاندا بۇندىن كېيىن چىرايىمىزنى ياخشى ئاسرىمىساق بولمىغۇدەك! تىلغا ئېلىپ ئۆتۈشكە ئەرزىيدىغىنى، بۇ خىل سىستېما، ئاياللارنىڭ چىرايىنى سۇس گېرىم ئاستىدىمۇ تونىيالايدۇ؛ بىراق، قىلىنغان گىرىم بەك قېنىق بولۇپ كەتسە ياكى ھۆسىن تۈزەش ئوپراتسىيەسى قىلدۇرۇپ چىرايىغا تولدۇرۇش قىلغان بولسا، ئۇنداقتا ماشىنا بۇ خىل چىراينى تونىيالمايدۇ.