گېرمانىيە خەننوۋى تىببىي شۆيەنىدىكى ئالىملارنىڭ كۆپ تۈرلۈك تەتقىقاتلار ئارقىلىق، ھەرىكەتلىنىشنىڭ كېسەللىكنىڭ ئالدىنى ئېلىشقا بولغان مۇھىملىق دەرىجىسىنى ئىسپاتلاپ چىققان بولۇپ، قەرەللىك تۈردە ھەرىكەتلىنىپ تۇرۇش، ئاستا خاراكتېرلىك كېسەللىكلەرنىڭ ئالدىنى ئېلىشقا پايدىلىق بولىدىكەن ھەمدە كۆچۈرۈش ئوپراتسىيەسىنىڭ مۇۋەپپىقىيەتلىك بولۇشىغا كاپالەتلىك قىلىدىكەن.

   قەرەللىك تۈردە سۇ ئۈزۈش، ۋەلىسپىت مىنىش، يۈگرەش قاتارلىقلار، ھۈجەيرىنىڭ قايتا تۇغۇلىشىغا ۋە قېرىشىغا تەسىر كۆرسىتىدىغان مۇھىم ئامىل. خەننوۋى تىببىي شۆيەنىنىڭ تەتقىقاتچىلىرى، تەنتەربىيە ھەرىكەتلىرى بىلەن چېنىقىشنىڭ تەجرىبە ئوبىكىتلىرىنىڭ ھۈجەيرىلىرىنىڭ قايتا تۇغۇلۇشىغا ۋە بەدەن ئىقتىدارىغا كۆرسىتىدىغان تەسىرىنى تەكشۈرۈش ئارقىلىق، قورامىغا يەتكەنلەر ۋە بالىلارنىڭ ھەممىسىنىڭ قەرەرللىك ھەرىكەتلىنىشتىن پايدىلىق تەسىرگە ئېرىشەلەيدىغانلىقىنى ئىسپاتلاپ چىققان. خەننوۋى تىببىي شۆيەنى قان تومۇر تاشقى كېسەللىكلەر بۆلۈمىنىڭ مۇدىرى ھاۋىلىش پىروففىسورنىڭ دىيىشىچە، سېمىزلىك، يۇقىرى قان بېسىم ۋە قاننىڭ قەنت تەركىبى يۇقىرى بولۇش قاتارلىق خەتەرلى ئامىللار، ئىچكى ئەزالارنىڭ ئاجىزلاپ كېتىشىنى كەلتۈرۈپ چىقىرالايدىكەن؛ لېكىن ئۇلار ئېلىپ بارغان ئالاقىدار تەتقىقاتلاردا ئىسپاتلىنىشىچە، قەرەللىك تۈردە تەنتەربىيە ھەرىكەتلىرى بىلەن چېنىقىش، خەتەرلىك ئامىللارنى ئازايتالايدىكەن ھەمدە كېسەللىكنىڭ ئالدىنى ئالىدىكەن.