دۇنيادىكى، چوڭ-كىچىكلىك جەھەتتە ئەڭ چوڭ بولغان تائام قايسى؟ بۇ ھەقتە سىزگە بىرىدىغان جاۋابىمىز: پارچىلىماي پۈتۈن ھالەتتە قاقلاپ پىشۇرۇلغان تۆگە كاۋىپى. نۇرغۇن كىشىلەر پۈتۈن قاقلاپ پىشۇرۇلغان قوي كاۋىپى، موزاي كاۋىپى يەپ باققان؛ لېكىن پۈتۈن سېلىنغان تۆگە كاۋىپىنى يەپ باققانلار ناھايىتى ئاز بولۇشى مۇمكىن.

   تۆگە كاۋىپى، ئوتتۇرا ئاسىيا دۆلەتلىرىدىكى بىر خىل داڭلىق تائام بولۇپ، ھەمىشە ئېسىل مىھمانلارنى كۈتىۋىلىشقا ئىشلىتىلىدۇ.
   ئادەتتە، تەملىك نازۇ-نىمەتلەرنى تەييارلاشقا بەلگىلىك ۋاقىت كېتىدۇ؛ بۈگۈن تىلغان ئالغان بۇ تۆگە كاۋىپىنىڭ تەييارلاش باسقۇچلىرى ۋە ئىشلىتدىغان ماتېرىياللىرى ناھايىتى مۇرەككەپ. بۇ خىل تۆگە كاۋىپىنى تەييارلاشقا، تۇخۇم، پىياز، ئۇن، تۇز قاتارلىق 17خىل خۇرۇچ ماتېرىيالى لازىم بولىدۇ.
   بىرىنچى قەدەمدە، پىششىق تۇخۇمنى بېلىقنىڭ ئىچىگە تىقىپ، بېلىقنى قاقلاپ پىشۇرىدۇ.
   ئىككىنچى قەدەمدە، قاقلاپ پىشۇرغان بېلىقنى توخۇنىڭ ئىچىگە تىقىپ، توخۇنى قاقلاپ پىشۇرىدۇ.

   ئۈچىنچى قەدەمدە، قاقلاپ پىشۇرغان توخۇنى قوينىڭ ئىچىگە تىقىپ، قوينى قاقلاپ پىشۇرىدۇ.
   تۆتىنچى قەدەمدە، قاقلاپ پىشۇرۇلغان قوينى تۆگىنىڭ ئىچىگە سېلىپ، ئالاھىدە ياسالغان تونۇرغا سېلىپ 7كۈن قاقلاپ پىشۇرىدۇ.