ئادەتتە ئۆيگە مىھمان كەلسە، بىز بەزىبىر مىۋە-چىۋىلەرنى سېتىۋىلىپ مىھماننى كۈتىۋالىمىز؛ ھازىرقى ياز پەسلىدە بولسا، ئۆيگە مىھمان كەلگەندە كۆپىنچە كىشىلەر تاۋۇز پىچىدۇ. بىراق، بەزى كىشىلەر پىچقان تاۋۇزنى يىيىش ئىنتايىن قولايسىز بولۇپ، يۈزلىرىمىزگە سۈيى يۇقۇپلا قالماي، يەنە قوللىرىمىزغا ئېقىپ كىتىدۇ، مىھمانغا كەلگەن ئادەمنىمۇ ئوسال ئەھۋالغا چۈشۈرۈپ قويىدىغان گەپ. بۇ سەۋەپلىك، بۈگۈن كۆپچىلىكنىڭ دىققىتىگە، تاۋۇزنىڭ ئىككى خىل يىڭىچە پىچىشى ئۇسۇلىنى تۇنۇشتۇرۇپ ئۆتىمىز.

بىرىنچى خىل ئۇسۇل
   ئاۋال تاۋۇزنىڭ ئاستى، ئۈستى، ئوڭ-سول ۋە ئالدى كەينى ئالتە تەرىپىدىن،  تاۋۇز شاپىقىنىڭ ئازراق قىسىمىنى كىسىپ ئېلىۋىتىمىز؛ بۇ ۋاقىتتا تاۋۇز، خۇددى چوڭ ياسالغان بىر شىشىخالغا ئوخشاپ قالىدۇ. كەينىدىن، تاۋۇزنى قوشۇش شەكلىدە كىسىمىز؛ ئىسىڭىزدە بولسۇن، بىراقلا تىگىگىچە كىسىۋەتمەي، ئۈچتىن ئىككى قىسمىغىچە پىچاق سالساق بولىدۇ. ئاخىرىدا تاۋۇزنى ياتقۇزۇپ، ئادەتتە تاۋۇز پىچقاندەك نىپىزرەك پارچە ھالەتتە پىچساق بولىدۇ. بۇنىڭدا، پىچقان تاۋۇزنى ئىككى قولىمىز بىلەن تۇتمىقىمىز ئاسان بولىدۇ، قولىمىزغىمۇ سۈيى ئېقىپ كەتمەيدۇ.